Gå til innhald

Æ leeit etter ein hybel i Trondhjæm…

august 28, 2009

Eldsteguten flytta til Trondheim for fjorten dagar sidan. Han skulle studera engelsk. Han hadde ikkje klart å finna seg ein stad å bu, men rekna med at det skulle ordna seg.  Det viste seg å vera lettare sagt enn gjort. Etter fjorten dagar med studier kombinert med hybelleiting, hybelvisning og endelause spaserturar rundt i byen, er han stadig like huslaus. Han har budd rundt hos snille menneske han kjenner, og sove på madrassar og sofaar med eit pledd over seg. I går var han så sliten av det heile at han spontant  heiv seg på nattoget frå Trondheim i går klokka elleve, og så  reiste han vidare med dagtoget heim. Nå skal han driva hybelspaning frå datamaskinen heime, medan han puggar grammatikk og les pensum. Dersom nokon skulle vita om eit krypinn i Trondheim, så vil han og foreldra hans bli djupt takknemlege.

I dag har eg vore på tur med far min. Me har vore hos farmor. Så i dag er det barnebarndagen min. Det er deilig avvekslande med ein dag i rollen som barn og barnebarn før ein vender nasen heim til eigne vaksne barn. Og så er det veldig koseleg å ha Odd Christian heime, sjølv om han altså helst vil til Trondheim. Nå ventar eg bare på at yngstemann skal koma heim. Dei fire andre var så trøytte alle saman etter skuleoppstart at dei søv allereie. Det drøymer eg og om å gjera.

Heidi

From → Barna mine, Farmor

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: