Gå til innhald

Cottagecheese, ferske jordbær og pinjekjerner…

mai 31, 2010

Det fekk duga som middagsmat i dag for eg har hatt ein lang skrivedag for å få ferdig boka til skrivekurset. Kvar gong er det uendeleg mykje meir arbeid enn eg har trudd, men det er kjekt å halda på med. Så har eg fått instruert ein av skriveelevane mine i det å lesa sjølvskrivne dikt på 10.klasse-konserten, og ein av dramaelevane mine i det å vera konferansier på same konserten. Ballane blir plukka ned ein etter ein, men framleis har eg ganske mange i lufta… Ute har veret vore noko i nærleiken av sommartemperaturar, og det er ganske fint etter å ha hatt frostnetter for ei veke sidan.

Sunniva er trygt heime att etter at ho har vore på John Meyer- konsert i København. Eg gjekk mange rundar med meg sjølv før eg gav henne lov til å reisa, eg synest ho er litt ung til å ta seg fram i den store verda aleine, men dei reiste ein heil gjeng i lag, og kompromisset vart at dei ikkje fekk reisa før på sundagen slik at dei unngjekk ei lørdagsnatt i København. Ho var heilt fyr og flamme då ho kom heim. Turen hadde vore veldig kjekk og konserten heilt topp. Så nå kan eg trekka pusten i letting over å ha henne trygt heime att.

Om ein times tid sluttar mai å vera mai og går over til juni. Og eg har halde avtalen min om å skriva kvar einaste dag i mai i år og. Eg er ganske sta når eg får ein fiks idé, og nå er eg i mål. Mission compledet. God juni månad!

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: