Gå til innhald

Dei minste er dei største

september 5, 2010

Og på sundagsskulen i dag lot eg vesle Serine på to år stå på ein stol og smila for å demonstrera det. Mange teologar og andre har hatt mange tankar om kva i alle verda Jesus meinte med at eit lite barn var den største i himmelriket. Det er ei slags gåte, for han kan ha meint både det eine og det andre. Eg liker gåter og mysterium. Dei minste er dei største og dei første skal bli dei siste. Eg liker slike utsegner i ei verd der det er blitt så veldig viktig å vera størst, finast, rikast, vakrast, slankast, mest medieomtalt, mest populær og mest vellukka. Eg liker det alternative, og til tider litt gåtefulle ved den kristne læra. Eg syklar nokså fornøgd i veg for å halda sundagsskule dei gongene det er min tur, med Thedora, handdokka mi i sykkelkorga og det hemmelege skrinet bak ryggen hennar. Eg liker at i nokre samanhangar er det lov å påvirka og forkynna det ein sjølv trur er godt og rett for barn å tru på. I den vanlege skulen og i kulturskulen er det sjølvsagt langt utanom mitt mandat å påverka nokon religiøst.

Me har ete deilig biff stroganov og hatt koseleg kaffibesøk ute på verandaen. I går var far her og sette opp golvlistene og etterpå åt me rundstykke og drakk kaffi ute i sola på verandaen. Ingrid og eg har gått turar i det fine veret, og eg har til og med hatt nokre timar på sofaen med ei god bok. Det har med andre ord vore ein fin sundag. Eg har tatt skrivefri i helga fordi akslene mine verka etter litt for mange timar ved tastaturet i veka som gjekk. Slik verk går over til hodepine. Eg må nok bli flinkare til å tenkja avspenning og pausar. Og sommarver i september, det seier me ikkje neitakk til. 🙂

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: