Gå til innhald

Frå mi mest religiøse side…

november 15, 2010

Pust på meg Heilage Ande

Blås meg nedover gata

så eg er på rett plass

og møter  dei eg skal møta

Ver den kvite dua

som eg kan fylgja etter.

Vis meg mine vegar,

ikkje gløym å bruka meg.

Varm hjartet mitt nok

til at eg kan vera ute i kaldeveret,

og gjer hovudet mitt kaldt nok

til at eg kan bera klare tankar

til å bruka det

eg ikkje visste

at eg visste.

Ver  krafta som eg ikkje kan stå i mot,

og vakt mine innfall

så dei ikkje legg seg heilt på tvers

og stengjer for det gode.

Ver kjærleiken eg ikkje har ord for

og stifinnar for lengten min.

Ver stemmen som kviskrar,

og meg ro til å høyra etter.

Ver i pusten min

så han fell til ro

når eg treng kvile

og pustar fort nok

når det er det som trengst.

Ver i hendene mine når eg foldar dei

eller strekkjer dei ut for å gripa

eller for å ta i mot.
Gjer meg open nok til å romma deg,

og fast nok til å helda deg fast.

Lær meg å telja dagar,

og stans meg når eg jagar vind,

Fyll min tome tanke.

Ver i mine tome sansar.

Ver flammen på hovudet mitt

og elden i hjartet mitt

Opna meg for små og store under.

Gjer meg til ein reiskap

for din fred og for din uro.

La meg bu i dagane mine,

og gi meg mot til å opna dei for andre.

Bruk meg Heilage Ande.

Fyll meg og gjer meg heil.

Heidi

From → Tru

2 kommentarar
  1. Torhild permalink

    Kardinal John Henry Newman har skrive ned ei bøn som Moder Teresa og systrene i hennar orden ber. Overskrifta er «Å utstråle Kristus». Den bøna kom eg på då eg las di bøn!

  2. heidi permalink

    Den må eg få lesa ein gong.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: