2.sundag i advent – luke 7

For alt me ikkje makta, Gud,
For alt som gjekk i stå,
For alt me aldri nådde,
og for alt det som me må,
to lys er tend for kraft og mot,
to spinkle lys i mørkret står,
så set me oss i ro hos deg
og søkjer fred for tanken vår.

I dag må eg koma med andre verset i adventsalmen min. Eg trur det er fleire enn meg som opplever dette av og til. Som det står i Tove Jansson si haustvise: «Det finnst så många sakar man skulle sagt och gjort, men det blev så veldigt lite man gjorde…» Fotsetjing er og fin i desse adventstider. «Skunda dig älskade, skunda att älska, dagarna mörknar minut för minut.» Resten av songen høyrer seinsommaren til, men det me har brukt er meir enn nok for oss… Ha ein fin sundag.

Heidi