Luke 7 -Advent i våte gråtonar

I natt hadde det regna, og snøen frå i går låg som våt issørpe på bakken. Eva Mari og eg hadde hatt planar om å dra på julemarknad på Bygdøy, men vermeldingane tekne i betraktning, så ombestemde me oss.

Min nye plan var å dra til byen og møta «Tøyengjengen» etter Tage sin kvil. Sidan det var litt glatt ute, vart eg utstyrd med brodder under vinterskoa. Broddar har eg ingen trening med, så eg følte meg som ein salig blanding av ein nittiårinh og Bambi på isen. Dei viste seg likevel å gjera si nytte, for eg kom meg trygt ned til banen.

Nede i byen var det heldigvis isfritt, så eg kunne lirka broddane av og leggja dei i nettet. På Karl Johan var det grått og vått og det vrimla av menneske. Mange av dei var prega av å vera fotballsupportarar som lada opp til cupfinalen, mange av dei med blå moldeskjerf rundt halsen.

Eg tok banen vidare til Tøyen og møtte Tage og foreldra hans. Heldigvis var han utstyrd med både gule regnklede og vogn med «regntelt», så han hadde det bra sjølv om det regna litt. Me gjekk ein tur på Grünerløkka og var innom og åt lunsj på ein mexikansk restaurant. Etterpå hadde me kaffi heime hos Sunniva og Trygve før eg tok banen tilbake til Haslum.

Då eg kom tilbake vanka det nybakte aniskringler og havreflarn. Me har sett handballkamp og ein nydeleg italiensk film på fjernsynet. Nå må eg stilla morgonalarm på mobilen slik at eg kan rekka frokost avtalen hos Sunniva i morgon.

Heidi