Det finst kvinner
Det finst kvinner som liknar glattskurde varme svaberg i august,
runde, trygge og sterke, milde og forma.av livet,
i stand til å bera det meste,
sjølv med djupe furer i kropp og hender,
furer som vitnar om lange årstider,
om stormar og mange nakne barneføter.
Dei er alltid til stades,
robuste og tålmodige,
med utsyn til dei store pulsslaga
stadig rullande der ute i havgapet,
og til einslege mørke skarvar
med fotfeste på glatte og skarpskorne skjær.
Heidi
Kommenter innlegget
sporisand 