Eg piskar trollkrem av egg og tytebær.
Eg ber dagen i nakne hender.
Open for brannsår i handflatene.
Eg snur meg mot aust
og ser.
Vestavinden smakar salt.
Sola står i nord,
og i sør skimtar eg månen.
Som ein glattslipt stein
i tidevatnet
ei dirrande valmue
i haustmørkret.
Lener eg meg
mjuk av tillit
og meisla av tankar
mot dagane mine.
Forvirra og klok
med sand i skorne
og ei kråke i håret.
Heidi
sporisand 
Så vakkert, Heidi! :o)
Tusen takk