Osama og Obama

Det kan vera eg stikk handa inn i eit skikkeleg vepsebol nå, men eg kan ikkje klara å la vera å stussa over alle fryderopa omkring det at Osama Bin Laden er blitt regelrett likvidert. Ikkje at eg støttar mannen om nokon skulle tru det, men er det rett måte å forhalda seg til han på? Dei fleste av oss er jo heldigvis i mot dødsstraff, men uansett utfall, hadde det ikkje vore rettare å gje mannen ein eller annan juridisk behandling før dei losna skota?

Dette synest eg er kloke ord:

I mourn the loss of thousands of precious lives, but I will not rejoice in the death of one, not even an enemy. Returning hate for hate multiplies hate, adding deeper darkness to a night already devoid of stars. Darkness cannot drive out darkness: only light can do that. Hate cannot drive out hate: only love can do that.» Martin Luther King, Jr.

Og at dei legg ut bilete av liket til folkeforlystelse, eller kva det nå er som er hensikten… Eg hugsar framleis henrettinga av Ceausescu på TV og på forsidene av avisene i 1989 som eit iskaldt grøss nedover ryggen.

Er det ikkje slik framleis at auge for auge- regelen til slutt vil gjera verda blind?

Og ja, eg veit at Bin Laden ikkje var nokon kven som helst, men likevel…

Er eg heilt på jordet?

Heidi