Leita mellom puslespelbitar

Leita mellom puslespelbitar 

Å pressa sitronen hardt,
granska hjarte og nyrer,

leita etter grus og sandkorn,
som kanskje kan bli til perler.

Vera på jakt etter gløymde skattar
og lause trådendar 
som kanskje kan visa veg gjennom labyrintene,
forbi speglar og gåter
medan du ein stad frå det fjerne
høyrer den magiske melodien.

Leita mellom puslespelbitar,
finna ein forsvunnen bit av himmelen,
trykkja på tastar,
laga nye bokstavar og ord.

Finna notelinjer å klatra i
før du til slutt i triumf og vemod
låser opp med den store g-nøkkelen.

Heidi