Gå til innhald

Luke 18.

desember 18, 2008

Ein innhaldsrik, travel, stressande, krevande og fin dag.
Akkurat som eg ante vart ein skuledag med skulegudsteneste først, servering av julegrøt etterpå og juleverkastad til slutt i meste laget for eit par tre førjulsslitne unger, og minst like trøytte vaksne.

Då eg endeleg kunne stenga døra etter å ha vore på dei møta eg skulle på, snakka med dei foreldra eg skulle snakka med, og rydda vekk lim og filt og trestenger og garn etter juleverkstaden, var eg så sliten at eg hadde sitringar i heile kroppen.

Då er det godt å ha gode folk å setja seg ned med både for å reflektera og for å henta seg inn for resten av dagen. Takk til Stig og Sigvald.

Neste etappe var konsert på rytmisk seksjon på kulturskulen der bandet til Halvard spelte. “Eye of the tiger” i dag og.

Koselege førjulsgjester dukka opp. Torhild og Per Magne med julegaver, julebrev og ei gigantisk fruktkorg. Det passa veldig bra med kaffi og eit par timar i godt selskap medan eg strikka på sitjeunderlaga til dei elevane som ikkje har fått sine ferdige. Eg har lova dei strikke- og tovehjelp slik at det kan bli julegavar.

Så kom Ingrid heim. Oddvar henta henne på toget, og det var så utruleg fint å få henne heim att. Ho hadde vore nære ved å bli akterutseilt i Kristiansand. Ho møtte ein gammal klassekamerat på toget. Dei hadde gått av toget fordi dei trudde det skulle stå i tjue minutt på stasjonen. Det skulle det ikkje… Ingrid rakk akkurat å få kasta seg på før toget kjørte vidare, medan kompisen hennar vart ståande att på stasjonen utan yttertøy og bagasje…

Nå sit eg her og ventar på dei to yngste som er på juleball på ungdomsskulen. Litt rart at dei eldste har lagt seg og dei yngste er på vift. Dei er her vel snart, håpar eg. Ballet skulle vara til midnatt, og i morgon skal dei på skulen.

Og for dei som måtte lura; eg bestod skriftleg eksamen i spansk…

Heidi

From → Uncategorized

2 kommentarar
  1. Tintomara permalink

    Grattis till spanskaprovet! jag är djupt imponerad!

  2. Heidi: permalink

    Takk… Eg får gle meg over at eg faktidk klarte den delen av det. 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: