Gå til innhald

Det kvite morgonlyset

mars 7, 2010

fortel oss at våren er rett bak svingen ein stad. Om morgonane er det lyst når eg går til arbeidet mitt. I klasseromet er det tidleg dagslys når me set oss til å lesa bøker, som er ein del av morgonritualet vårt. Og lyset gjer oss godt.

Morgonane er kvitare enn dei vanlegvis er i mars. Her ligg snøen framleis. Eg trudde kanskje han ville vera borte når me kom frå USA, men nei, tvert i mot hadde det snødd masse. Sunniva kikka ut vinduet frå vindusplassen sin på flyet og sa: «Alt er kvitt mamma, bare bilvegane går som svarte streker i det kvite.» Og sidan har det våre tø og frost om einannan. Det snør, det smeltar, og det frys. Vegane har vore konstant glatte i to og ein halv månad, og yngre folk enn meg har skaffa seg broddar til å ha under skorne.

Normalt er her snøklokker, krokus og viper på denne tida, men nå er alt kvitt og frose. Og visst er det vakkert med det skarpe kvite morgonlyset. Det er veldig vakkert, og ikkje noko me opplever kvart år på desse kantar. Det er som om me skulle ha skifta klima. Det vert snakka om at det er femti år sidan me hadde ein tilsvarande vinter.

Kven veit, manns minne er kortare enn ein skulle tru. Eg meinar å hugsa lange vintrar med mykje snø då eg var barn, og det er det då verkeleg ikkje femti år sidan… Men våren er her alt i form av lys. Ikkje ein gråbleik vår, men ein kvit. Fargane kjem nok etterkvart.

Heidi

From → Barndomen min., Natur

2 kommentarar
  1. Scylla permalink

    Ja, det känns att det börjar bli vår här med, trots att snön ligger hög och vi har många grader minus. Här har skillnaden inte varit så stor i år. Vi har inte särskilt mycket mer snö än vi brukar ha, men det har nog varit generellt kallare. Några vårblommor väntar jag inte än på ett tag, men – som du säger – de kommer!

  2. heidi permalink

    Ja, du bur i ein kald del av Sverige, skjønar eg. Går ut frå at det er store klimaforskjellar der som det er i Norge.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: