Gå til innhald

La vie en rose.

april 22, 2007

I dag har eg vore på besøk i livet til Edith Piaf. Det var tragisk, det var vakkert og det gjorde vondt. Og filmen var utruleg dyktig laga.

Som eg har skrive her før, så er dette ein film eg har hatt utruleg lyst til å sjå. I dag utfordra eg kjærasten min som kom regnvåt heim frå golfturnering. Eg inviterte han med på kino i kveld. Då fekk eg ei utfordring tilbake: –

-Hopp inn i bilen. Då når me den forestilinga som begynnar halv tre.

-Men det er jo om mindre enn tjue minutt?

– Ja, me når det akkurat.

– Men eg står jo her og kokar middag?

– Skru av plata, og kok vidare når me kjem heim?

– Det er jo gulrot og kålrabiskal på heile kjøkkenbenken!

– Det ligg der nok når me kjem heim og…

Og så skrudde eg av plata, varsla ungane, og hoppa i bilen. Det er jo noko av det eg blir sjarmert av med mannen i mitt liv. At han på ti sekunds varsel kan vera klar til noko heilt spontant…

Me parkerte bilen eitt minutt på halv tre, sprang til kinoen, og sat klar i kvar vår stol før reklamen var slutt med kaffi i den eine handa og ei flaske vatn med kolsyre og lime-smak i den andre. Så var det bare å opna på skalet og la seg overmanna av historia.

Livet er så sterkt på denne årstida. Personar og historier smyg seg under huda mi og angår meg. I går kveld sat eg med Halvard og Sunniva i to lenestolar fordelte på tre personar og åt brennande varm blomkålsuppe med cayennepeppar medan me såg ein flott film om Claude Monet og dei andre impresjonistane. Kjærasten min bakte rundstykke med ost på toppen og i midten. Etterpå somna eg på sofaen under eit ullteppe og vakna ikkje før det var på tide å gå og leggja seg.

På fredag høyrde eg eit program om Monica Zetterlund. Eg har så sansen for mange av tinga ho syng. Eg må prøva å få tak i ei plate.

Så har eg lese om Simone Weil i Martin Lönnebo si bok, og har lyst til å lesa masse filosofi. Eg har kjøpt ei lærebok i korleis ein skriv noveller, fordi eg har lyst til å skriva noveller. Eg har kjøpt ein ny roman som eg gler meg veldig til å lesa, og vaskemaskinen min sviv og sviv…

Men visst har eg fått feira sundag både med Martin Lönnebo og på gudsteneste med ei hærskare sprell levande ungar og eit like levande lam.

Og på fredag hadde eg venninner her til litteraturgruppe. Me les dikt av Rolf Jacobsen, og eg har viss aldri før lagt merke til kor utruleg fine dikt han skriv. Biletbruken er så fortetta og presis at eg mest mistar pusten.

Etterpå, då dei var gått, lot eg stearinlysa brenna. Så sat eg i sofaen til mest halve natta var gått bare fordi det kjendest så roleg og fint og meiningsfylt å sitja der og gjera ingenting…

Det er noko med livet på denne årstida. Livsappetitten blir så stor og livet og hendingane bare skjer og skjer. Før ein veit ordet av det er helga blitt sundagskveld på veg mot måndag…

Og nå skal eg til skulen og kopiera. Leselekser og skrivelekser. Så har eg eit lønnleg håp om å få starta på den nye boka eg her kjøpt før kvelden blir til natt.

Til rors Columbus.

Heidi

From → Uncategorized

8 kommentarar
  1. Torhild permalink

    Gode Heidi!Gler meg til novellene dine!!

  2. Corn permalink

    åh, fin text.

  3. RaTo permalink

    Nydeleg tekst, Heidi. Det er som det sitrar frå orda ? Og eg må gå og sjå Edith, eg og!

  4. tiiin permalink

    ja, det var verkligen en fin text. och jag håller med, filmen om edith piaf var mycket bra!

  5. Heidi: permalink

    Tusen takk alle saman. Spring til kino de som ikkje har sett filmen!

  6. Synneva permalink

    Du kan få lånebok av Simone Weil av meg! Eg slukte mykje av henne i min grønne ungdom. Veldig viktig filosof i mitt liv. Nyt dagen og det fantstiske veret! Klem.

  7. Synneva permalink

    Låne bok, skulle der sjølvsagt stå…

  8. Heidi: permalink

    Ja takk, Synneva.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: