Gå til innhald

Jeppe, din idiot…

mai 20, 2007

…er vår norske oversettelse på den danske tittelen “Jeppe dit fjols”. Det stod at me ikkje hadde lov til å endra tittelen, men ei omsetjing må vel vera lov…

Me hadde ei kaotisk sundagsøving. Ungdomane snubla stadig i teksten, og hadde store problem med å halda seg konsentrerte. Plutseleg måtte fire av tiandeklassingane gå. Dei er midt oppe i eksamenslesing, stakkars, og samtidig driv nokre av dei i desse dagane med opptaksprøver til en vidaregåande skule i distriktet med linjer i musikk, dans og drama. Dei lever med andre ord eit travelt liv.

Me permitterte eksamenskandidatane. Me avtalte ei ny ekstraøving på tysdag, og så øvde me vidare med dei som faktisk hadde tid til å vera der.

Eg kjenner me kjem i eit slags dilemma. Det er det same som skjer på idrettsbanen når trenaren så veldig gjerne vil vinna ei forballturnering og ser ut til å gløyma heilt at dette faktisk mest av alt er meint å vera leik…

Me vaksne har så lyst til å få det bra, og så balanserer me på ein slags knivsegg med kor mykje me skal stressa og pressa ungdomane. Eg meiner jo at dette og mest av alt er leik, og at prosessen er like viktig som produktet.
Likevel, ein må nok operera i dette grenselandet til ei viss grad om ungdomane skal gå styrka og glade ut av prosessen og ha eit flott resultat å visa fram.

I ettermiddag serverte me bløtkake i heimen for å feira at både eg og Sunniva i desse dagane blir eit år eldre.

Nå skal eg dra med meg kjærasten min på ein liten spasertur i det etterkvart ganske milde og lyse maiveret. På vegen skal me ta ein kunstpause på skulen min for å sjekka at eg slo av kaffitraktaren då eg laga styrkedrikk til Jan Ivar, Stig og meg under øvelsen i dag.

Eg har fått bok i gebursdagsgave av syster mi, “Pilgrimsreisen”, av Paulo Coehlo. Eg gler meg til å lesa.

Heidi

From → Uncategorized

4 kommentarar
  1. Tintomara permalink

    Grattis på födelsedagen! Det är så roligt att du skriver varje dag nu!

  2. Heidi: permalink

    Tusen takk, Tintomara. Det er ikkje før på onsdag eg rundar årsløpet, men ein får økonomisera litt med antal feiringar…

  3. RaTo permalink

    Eg kosar meg med tekstene dine nå i mai, Heidi! Og ? gratulasjonar til dagen på onsdag er herved sendt! :o)

  4. Heidi: permalink

    RaTo: tusen takk

Legg att svar til RaTo Avbryt svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: