Gå til innhald

Can`t you feel the love tonight?

mai 21, 2007

I dag har eg vore med på ei sånn “once in a lifetimeoppleving”. Kulturskulen eg jobbar på er plukka ut som demonstrasjonsskule, som ein av to i landet. Dette er noko som heng høgt. Me vil få tilført midler, omtrent ein million kroner fordelt på to år til utviklingsarbeid og prosjekt. Rektor, i fylgje med oppvekstsjef og ordførar, har vore ein snartur i Trondheim for å ta i mot. Med dei vel heime att vart det markering i aulaen med elevopptredenar, talar og ordføraren med kjede… Etterpå var det fin mat og marsipankake i kantina for alle ansatte og spesielle gjester. Ein gut som er songelev, song frå Løvenes konge, og fekk synga overskrifta på innlegget mitt for i dag.

I dag var eg skikkeleg stolt over at dette er min arbeidsplass. Eg har fantastisk flotte kolleger på begge arbeidsplassane mine, som praktisk nok held til i dei same bygningane. Til neste år blir me tre personar som har stillingane delte mellom desse skulane. Fordelane er mange. Ulempene er at det er kan kjennast vaskeleg å få til å avgrensa to deltidsstillingar…

I dag har eg stått bokstaveleg talt med eit bein i kvar jobb. I skulen held me på å leggja timeplanar for neste år. Det er alltid eit skikkeleg kaosarbeid med mange ukjende faktorar og ein kabal som ikkje går opp, men i år ser det faktisk bra ut så langt. Det er bra at nokon på trinnet er flinke å tenkja skjema og kabal, for det er ikkje mi styrke. Bortsett frå fire timars undervisning har me sitte i møte stort sett heile dagen.

Det luraste me gjorde i dag, var å ta ein felles matpause. Me på trinnet bevilga oss ein times besøk på salatbar frå kvart på fire til kvart på fem. Me sat ute i sola og pusta inn litt lys og kvile før neste økt.

Då eg skulle heim, var eg oppom kontoret for å førebu morgondagen litt. På gangen utanfor klasseroma lukta det frykteleg. Eg måtte snusa meg fram til stank-kjelda…
Nokon hadde kasta ein full mjølkekartong i korga med attgløymte klede, og denne kartongen hadde det etter fleire veker gått hol på… Eg hanka med meg dei sørgelege restane ut i søppelet, men kleda i korga stinkar nok framleis. Eg orka ikkje gjera noko med det klokka ti om kvelden, men i morgon må me nok få heile innhaldet over i ein vaskemaskin med høg temperatur og mykje såpe…

Ei mørkeraud rose frå ordføraren står i vase og markerer
kulturskulefeiringa. Jammen fulgte det ikkje med ein klem på kjøpet og… Nå er hovudet fullt av ull eller noko som liknar, så de får bera over med eventuelle uforståelege stravefeil. Og Odd Christian skal ha ped-eksamen i morgon. Lukka til til han…

Heidi

From → Uncategorized

7 kommentarar
  1. May Brit permalink

    Ja det var stort å få oppleve! Gratulerer – jeg fikk tårer i øynene da dere stod lina opp alle lærerene på kulturskolen med hver deres røde rose. Tenkte på hvilke ressusrser og gode personligheter gud har utstyrt Bryne Kulturskule med. Tenkte på den gode jobben der gjør for lokalmiljøet – samfunnet og ikke minst den enkelte elev!!! Utrolig viktig å skolere i kultur – kultur er åndens drivstoff…

  2. May Brit permalink

    Hvem er den 3 personen? Stig? Sunniva?

  3. Heidi: permalink

    Vakkert sagt, May Brit! Den tredje er Trine, dansepedagog med hovudfag i spesialpedagogikk. Henne kan du gle deg til å bli kjend med.

  4. May Brit permalink

    Gleder meg allerede!!!! god natt – snakkes om 9 timer 🙂 le le

  5. Heidi: permalink

    Ja, det gjer me…

  6. Tintomara permalink

    Så fantastiskt roligt för er! Grattis!
    men du… två deltider? En på 98 % och en på 97 % elller?
    jag är rädd att du jobbar ihjäl dig, men att det är roligt förstår jag också. Var rädd om dig!

  7. Heidi: permalink

    Tintomara:
    Ja, du har sånn omtrent rett.
    85% i skulen og 15% i kulturskulen, så du er ikkje så langt unna 😉 Takk for omsorgen. EG prøver å halda tunga rett i munnen…

Legg att svar til Tintomara Avbryt svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: