Gå til innhald

Grensen først i februar.

februar 1, 2008

Eg sit på eit hotellrom med adresse Grensen, Oslo sentrum. Eg drikk Ladies Earl Grey med vatn frå tekokaren og pepsi-max frå Deli de Luca, med tre bollar for ei krone ekstra, som kjærasten min gumlar i seg.

Det er luksusliv med ei helg på hotell, sjølv om hotellet er av det enkle slaget der frokosten blir hengd på døra i ein plastpose i morgon tidleg.

Me reiste oss gjennom natta med NSB i ein av desse sjarmerande og utruleg tronge nattogkupeane, der ein søv opptil fleire gonger kvar natt, og vaknar med jamne mellomrom av at toget stansar på ein stasjon eller at ein eller annan medpassasjer gjennom eit feiltak prøver å opna kupédøra di med sitt eige nøkkelkort.

Me kom fram tidleg og gjekk gjennom sentrum i regnet. Så tok me følge til kvart vårt møte. Mitt møte vart opna ved at ein av dei som skulle vera med stakk hovudet inn på møteromet og helste oss andre med eit muntert: “God morgon synderar.”

I ettermiddag har me ete på indisk restaurant og sett Bent Hamers siste film “O Horten,” i lag med seks andre kinogjengarar. Eg kjenner meg litt att i blikket til Bent Hamer, helsing meg viss du ser filmen.

I det me passerte staden der Kåre Conradi og co akkurat nå spelar musikalen singing in the rain, verkeleg høljeregna det. I tillegg til singing in the rain var det dancing in the slush…

I kveld hadde det nemleg lagt seg tre fire cm snøslaps på gata og på fortauet som ein bokstaveleg talt måtte vassa seg gjennom for å koma seg fram. Dei heilt flate raude og rosa semskeskinnskorne mine var langt frå vanntette, så etter to hundre meter var eg søkkvåt til anklane. Eg har nå sett i gang ein optimistisk tørreprosess med avispapir og den hotelleigde hårfønaren, men ser ikkje vekk i frå at eg må starta morgondagen med å kjøpa meg skor, eventuelt gummistøvlar…

Då me gjekk heim att møtte me to relativt tynnkledde afrikanske damer… Den eine var barbeint i tynne, heilt opne gullsandalar, med ti cm høge hælar. Som dei må frysa…

Eit gladare innslag i gatebildet var ein mann som gjekk rundt på gata under ein enorm paraply samtidig som han spelte trekkspel. Sidan me bur midt i sentrum, fem etasjar over bygatene kjem det mange lydar frå “fredagskveld på byen rett inn på romet vårt. Lyden av trikkar og bussar blanda med lyden av allsang og høglytt skråling…

Eg er framleis søkkvåt på beina, og vurderer å krypa under den varme dyna snart. God helg, alle saman.

Heidi

From → Uncategorized

5 kommentarar
  1. Borghild permalink

    deli de luca ikkje demi…
    god helg tante! kos deg i oslo!

  2. Heidi: permalink

    Klart det skulle ha stått Deli skal retta det nå. God helg til deg og, mi kjære.

  3. Torhild permalink

    Det kan lett gå godt!!!Nyt tigerstaden og kvarandre!!

  4. buy tramadol permalink

    Beautiful site!

  5. buy tramadol permalink

    Perfect site, i like it!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: