Gå til innhald

Tolv par hanskar.

mars 1, 2008

I går hadde me den ekstra dagen. Den som me bare får kvart fjerde år, og eg dristar meg til å seia at bonusen vart brukt på ein god måte…

Den første gongen eg var bevisst på dette med skotår må ha vore i nittensekstiåtte, då var eg seks og eit halvt år. Den eine onkelen min, som var ugift, hadde fortald meg at på denne eine dagen i året kunne damene fri, og dersom mannen svara ja, måtte han gje henne tolv par hanskar til trøyst. Onkelen min bad meg halda meg ved fortet hos bestemor medan han var på jobb. Eg kunne gjerne sitja på ein stol ved telefonen. Så skulle eg skånsomt førebu damene på at dei måtte rekna med at det vart hanskane…

Sensasjonslysten sat eg ved telefonen og venta, men gav opp etter kvart. Bestemor forsikra meg etter beste evne om at det var ein spøk, og at eg trygt kunne bruka dagen til andre ting… Onkelen min er framleis ugift, førti år seinare, men ingen skal kunna sei at eg ikkje tok min del av ansvaret for førti år sidan. Korvidt sivilstanden har kosta han mange par hanskar veit eg ikkje. I går måtte han passa telefonen sjølv, for då var eg i Oslo for å fornya liturgien i den norske kyrkja…

Og etter liturgiseansen fekk eg vera stolt tante på revy der atten år gamle Oscar spelte bassgitar i leopardkostyme oppe på ein balkong over scenen. Jamen kom han ned på sjølve scenen ein tur og for å spela trekkspelakkordar i blå kjeledress med skyggelue saman med “trønderske ungkarar” som rappa… Svigerforeldra var der og, og ein synleg stolt farfar på åttisju år laga seg papirkuler av programmet som han stappa i øyrene når det ungdommelege lydnivået vart for påtrengande…

Nå sit eg her på hotellet i særklasse og skriv medan Eva Mari syr ny kjole til meg like raskt som eg skriv denne teksten. Sjokoladebrun knelang kjole syr ho til meg med silkeband i halsen og plisserte blonder nederst og rundt erma. Det blir så fint så. Det er ikkje alle som opererer med eigen designar og stylist… Priviligert er eg…

Så skal me eta god salat før eg skal bruka ettermiddagen og kvelden på togobservasjonar, lesing av lørdagsdagbladet og eit djupdykk i Magnus Malm sine tankar.

Heidi

From → Uncategorized

4 kommentarar
  1. Tintomara permalink

    En sån påhittig farfar, det knepet ska ajg komma ihåg!
    😉
    jag önskar jag hade tänkt p gårdagen som en extradag. nu levde jag bara som vanligt… Inte friade jag heller, fast jag lekte lite med tanken…

  2. "desigeren" permalink

    Har stor glede av å kreera til deg, sidan du set såstor pris på det. Klem kjære det deg..-

  3. Anonym permalink

    «Designeren» meina eg

  4. Heidi permalink

    Tintomara: Men nå er me vel komne så langt i likestillingsprosessen at me kan fri kva dag me vil 😉
    Takk for helsinga, kjære designar. Nå er eg trygt heime att.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: