Gå til innhald

Godt, godt, godt…

mai 29, 2009

Me hadde tre vellukka forestillingar i dag. Det er utruleg deilig å vera ferdig, men samtidig lengtar eg litt tilbake til stykket. Det er rart at det me har skapt i mange månadar har levd ferdig, og er i ferd med å forsvinna i lause lufta.- Men forestillinga er filma, så det går an å avstandsoppleva illusjonen av skogen, slottet og bestemor sitt hus. – Men dei lånte kulissene står klare til henting, og kostyma ligg og ventar på å bli hengt på kostymelageret, så nå er døra lukka til Snødronninga sitt rike…

Det kjennest som å ha fått sommarferie, sjølv om ein god del står att, ganske store greier og, noko av det… Men nå skal eg nyta å ha ei fri-frihelg. I alle fall nesten, eg skal ha sundagsskule på sundag og fortelja om Paulus, men det skal gå bra.

Som om kjensla av å vera ferdig med teaterstykket trong å underbyggjast endå meir, så skein sola frå klar sommarhimmel då eg kom ut. Ute kokte gatene av folk, for nå er det Jærdagar med salgsboder i gatene og pølsegrillar på kvart hjørne.

Eg hadde avtale med Tove som er på besøk i byen, me sat ute på gata, og åt deilig lunsj. Eg åt suppe med kokosmjølk, kylling og sitrongras med mørkt rugbrød med kvitløkssmør til. Nydeleg. Etterpå reiste me heim til meg og drakk kaffi på terrassen.

Nå har Ingrid og eg ledd og slappa av ute i sola. Det er så utruleg deilig… Og nå får eg spytta i nevane og gå laus på eit veldig forsømt hus. Kjærasten min har sensoroppgåver, og har nettopp fått levert heime-eksamens-oppgåva si… – Og husarbeid har ingen av oss hatt mykje tid til den siste veka…

Men eg er trøytt og glad og takknemleg… Og ein liten tanke rastlaus, for nå er eg heilt ute av trening med å ha tid som eg kan disponera som eg vil.

Heidi

From → Uncategorized

2 kommentarar
  1. Leif permalink

    Ja – det skal bli merkelig når ting roer seg. Hva skal vi finne på da?

  2. Heidi: permalink

    Det bekymrar meg ikkje i det heile tatt 🙂 Har aldri hatt fem minutt med fritidsproblem så vidt eg kan hugsa, og du og eg saman kan vel aldri få det kjedeleg?

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: