Gå til innhald

To dagar att av ferien.

august 10, 2009

Men ikkje av sommaren. Eg har nemleg bestemt oss for at nå går me inn i ein ny, lang og veldig vakker epoke som heiter seinsommar.

Kva eg skal bruka denne dagen til er eg ikkje sikker på endå, men noko fint skal det bli. Akkurat nå sit eg her med bare skuldre og bare føter og framleis ukjemma sommarhår. Eg drikk kaffi av det fine turkisblå kruset eg fekk av Sunniva ein gong. og pustar roleg ut og inn. Eit alternativ kunne vera å bruka deler av dagen til å få bukt med papirbunkene her på skrivebordet. Eg får kjenna litt etter om det er ein god nok nestsistedagsaktivitet…

I går fekk eg unna ein ganske stor skrivejobb, som har ligge meg litt tungt på skuldrene. Det kjennest veldig bra.
Syster og Elisa kom til sein middag etterpå. Ingrid laga spaghetti og kjøttsaus med masse kvitløk, og eg skar salat. Etterpå havna me på sofaane nede hos Ingrid med kaffi og sjokoladeis, lappar og bringebærsyltetøy. Syster og eg hadde gleda av ein lang pratekveld med dei store jentene våre, medan Halvard fylde huset med overnattingsgjester. Då eg la meg klokka halv to, lo og hoia dei der inne med TV-spel og ferdigpizza. Eg veit ikkje heilt om dei har stått opp endå…

Nå har eg tenkt å henga klesvasken ut på tørkestativet, sjølv om dei strengt tatt lovar regn på vermeldinga. Ein form for risikosport må vel eg og få driva… Det gjeld å velja sine arenaer. Oddvar går og verker med håpet om at han og kameratane skal klara å få kjøpt seg strikkhopp frå ei hundre og femti meter høg bru før sommaren er omme.

Om eg bare kunne hugsa kor eg har lagt hen alle korta i lommeboka som eg valde å ikkje ta med meg til Spania…
Eg får prøva å kobla på logikken…

I ein artikkel om bønneliv og meditasjon las eg om ei som hadde fått som råd å vera i ordlaus stille bøn 20 minutt to gonger til dagen. Ho jobba i ein kyrkjeleg stilling, og hadde fått lov til å gjera det i arbeidstida om eg hugsar rett. Det rare er at eg synest det høyrest så fint ut. 20 minutt stille bøn to gonger til dagen. Eg prøver forsiktig å nærma meg.

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: