Gå til innhald

Kor skal eg ta fatt, mon tru?

desember 5, 2009

Eg har hatt så godt som ei veke med internettfaste fordi nettet har ligge heilt nede i heimen, og i tillegg delvis nede på jobb.  Det er sikkert sunt å bli minna om at livet fungerer utan digitale hjelpemiddel og, men på jobb var det bare så vidt det gjorde akkurat det. Me kom nemleg ikkje inn i skriveprogramma ein gong, og dersom me gjorde det, så virka ikkje skrivarane… Rart å tenkja på at for sånn omtrent ti år sidan hadde me ein maskin på deling eller noko slikt…

Nå passa det dårleg inn i rapportskriving og evalueringar, og korleis skulle me nå få delt ut vekeplanar og lese e-post… ¨Nå er viss alt i orden begge plassane, så nå kan livet gå vidare som før.

For fjorten dagar sidan hadde eg den rare opplevinga å fylgja kjærasten min til computertomografundersøking. Ja, ikkje heilt inn då, men me sat der på venteromet i lag med andre nervøse ventande til han slapp inn, og stemninga var til å ta og føla på. Det gjekk liksom opp for oss at det faktisk var ein sjanse for at dei skulle finna noko, sidan dei hadde kalla han inn i det heile tatt… Foranledninga var uforklarleg bortfall av hørsel på det eine øyret. På torsdag fekk me vita at dei ikkje såg noko der inne som ikkje burde vera der. Takk og lov… Me trudde ikkje at det skulle vera det heller, men litt uroleg blir ein jo, og av og til går det opp for ein at livet ikkje er noko ein har garanti for å ha.

Eg har lese ut boka «Skrivefest» av Tove Nilsen, og kjenner sterk dragning mot å prøva meg som forfattar på nesten-heiltid.

Etter veldig travle veker på jobb, har eg minst tusen og ein ting eg skal/vil/bør/må gjera heime. Kor skal eg ta fatt mon tru? Det vil dagen visa, men eg bør vel kanskje koma i gang. Laurdagar er fine dagar

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: