Gå til innhald

Silver threads among the gold.

mai 25, 2010

Song me då eg hadde gitarundervisning med Terje Korneliussen i 8. klasse. «Darling I am growing ooold, silver threads among the gold…» Det kjendest uendeleg fjernt i tid, og det gjer det forsåvidt framleis, men i dag er eg sølvbrur, og det er då noko…

I dag har eg møtt meg sjølv i døra på finurleg vis. Eg var nemleg på handle- og samlerunde til premieren på «Mordene på Ashdale», som skal vera på torsdag.  Dei litt komiske problemstillingane er: A- Eg irriterte meg litt over at pistolane på leikebutikken ikkje ser livaktige nok ut. B.- Dei har ingen gode bøker med oppskrifter på giftmord på biblioteket… bestemora i stykket skal nemleg lesa i ei slik bok fordi ho planlegg å myrda resten av familien… Eigentleg er eg ein svoren motstandar av krigsleiketøy…

I dag såg me filmen «Yatzy» med 7.klassingane våre. Eg har lese boka i alle tre klassane, og me skulle samanlikna bok og film. Dessverre var filmen utseld i Stavanger, eg fekk låna han på vodaregåande skule, men sidan han låg innelåst i eit skap på biblioteket, fekk eg han ikkje før i dag,og fekk ikkje sett han på førehand. Filmen viste seg å vera veldig langt frå boka. Det er jo eit interessant utgangspunkt for samtale, men eg kjende eg burde ha fått sjå han før eg kasta elevane ut i det. Mykje av historia var rett og slett heilt forandra, og det kom fram ei halvfortald historie om seksuelle overgrep som det ikkje var spor av i boka. Med 11-årsgrense på filmen, var dette heilt umogleg å forutsjå. Men me fekk då ein ganske interessant samtale etter filmen. Moralen må vera at ein absolutt bør sjå filmar ein har tenkt å visa elevar. Og eg likte boka klart betre enn filmen. Men eg går ut frå at forfattaren, Harald Rosenlöw Eg må ha godkjend dei store endringane.

Feiringar får me visst aldri nok av her i huset. I dag tok me med oss alle fire ungane og åt middag på kinarestaurant for å feira eit aldri så lite sølvbryllaup med ungane. Far gav oss eit økonomisk tilskot som han foreslo me kunne eta opp på ein dertil eigna spiseplass. Det var koseleg. Alle var i godt humør, og Ingrid stilde med presang og veldig koseleg kort. Eg fant ut at det måtte vera ein passande anledning til å bestilla hummar, så det gjorde eg. Som ei avrunding på utelivet reiste me heim og åt banansplitt med jordbær, krem og sjokoladesaus. Nå trur eg me har feira i frå oss for ei stund.

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: