Gå til innhald

Eat, pray, love.

november 11, 2010

Eg har lese denne boka av Elizabeth Gilbert, som så mange snakkar om for tida. Det er ei sjølvbiografisk bok som fortel om Elizabeth som bryt opp frå eit liv som ho oppdagar at ho ikkje ynskjer å leva, og eit ekteskap ho kjenner seg stengt inne i. Ho dreg ut i verda for å prøva å finna fred med seg sjølv. I boka fylgjer me henne til Italia for å læra italiensk og eta italiensk mat, til India for å meditera, og til Bali for å gå i lære hos ein balinesisk medisinmann. Alt dette er djupast sett ei reise for å finna meininga med livet og sjelero.

Eg trur det er ei viktig bok, mellom anna fordi ho tek den åndelege dimensjonen ved livet opp på djupaste alvor. Eg trur det er ein straum i vår tid at folk oppdagar at det ikkje er gitt at ein har det bra med seg sjølv, sjølv om ein ytre og materielt sett burde vera glad og tilfreds. Kanskje er det slik at nokre menneske har meir uro og lengt i seg enn dei fleste andre. Kanskje er det slik at desse er meir på leit enn dei fleste og har lettare for å opna seg for åndelege og religiøse dimensjonar.

Ikkje veit eg, men det slo meg litt at det kanskje etterkvart blir meir stovereint att å snakka om åndelege ting. Eg trur og har erfart at i kyrkja finst det mykje av det same som forfattaren og mange andre leiter etter i India, på Bali og i ulike religiøse retningar. Eg tenkjer at me som står midt i dette landskapet kanskje ikkje har vore flinke nok til å formidla dette, at me ikkje vågar å stå fram som ein stad som har det aller djupaste å by på, at me heller konkurrerer med underhaldningsbransjen og kosebransjen om å laga det glatt og ufarleg i kyrkja. Ikkje veit eg. Eg vågar jo å tru at me har eit godt alternativ om me vågar å vera menneske som viser at me er vesen av kjøt og blod, tru og lengt, kvardag, vind og livskraft. Eller noko slikt…

Som alltid når eg ikkje har skrive blogg på lenge, så har eg så mykje å skriva om at eg ikkje klarer velgja og ikkje kjem i gang. Men nå kjem eg snart tilbake. – Trur eg.
Heidi

From → Bøker, Poesi, Tru

2 kommentarar
  1. Scylla permalink

    Bra!

  2. heidi permalink

    Takk Scylla.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: