Gå til innhald

Det er noko med november

november 28, 2010

som gjer at det blir lite bloggskriving.Eg veit ikkje kva det er, men om eg blar meg tilbake, så har det vore slik kvart år. Og endå så er eg ein av kanskje nokså få menneske som eigentleg liker denne månaden. Eg liker mørket og liker å tenna bål i peisen og å tenna stearinlys. Slike kveldar er fine å vera inne i. Og visst skjer det ting heile tida som eg kunne ha skrive om, det er bare det at før eg har fått skrive det ned så har det skjedd noko nytt. Eg hadde ein fin tur til Finnøy der eg fortalde historiar og las dikt, og om kvelden reiste eg heim med hurtigbåt og tog med ei øskje på fanget med deilige cherrytomatar og egg frå Finnøy. Før eg reisteut til øynå vandra eg nokre timar i storbyen, sat på kafe og leika forfattar pluss at eg vandra rundt i butikkar og kikka på folk og på julepynt. Ei dame kom inn i ein butikk og lurte på om dei hadde englar for folk som ikkje var veldig «englete» som ikkje hadde noko nært forhold til englar, men som likevel trudde det var meir mellom himmel og jord enn folk trudde… Ekspeditrisa var veldig søt og hjelpsam, men til slutt konkluderte dei med at slike englar hadde dei nok kanskje ikkje…

Nå i helga har eg rukke julebord med jobben, lørdagsskrivekurs med elevane mine der me laga illustrasjonar til ei billedbok me har skrive, «Reisen til julestjernen» i Storstova. Det var ei kjempefin teaterforestilling av veldig proffe amatørar som fekk meg til å kjenna meg som eit barn i førjulsstemning. Etterpå rakk eg å vera med og feira Maren sin 14-årsdag. Kunstutdtillinga eg betjente er send vidare. Nå gjenstår bare rapportskriving. Eg får gå i gang med det i morgon.

Av ein eller annan grunn brukar bloggelysta å venda tilbake i desember. Dei siste åra har eg pleidd å skriva litt kvar dag. Kanskje det får bli målet i dag og?
Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: