Skip to content

Luke 16 -2013

desember 16, 2013

image

Eg er heime etter ei fantastisk helg. Eg innser kor mykje eg har å ordna både på skulen og heime, og akslene stig nokre cm nærare taket. Eg set meg ned for å skriva min del av julebrevet. Her er eit utsnitt av det eg har skrive:

Halvard ropar forresten frå stova og vil ha hjelp med å setja opp juletreet, han er litt utålmodig med min vane å pynta huset lille julafta. Han vil gjerne ha jul i huset nå etterkvart. Ære vere han for det. Eg må vel bare innsjå at eg er i utakt med resten av verda som er leie av julefeiring og julepynt før eg har rukke å finna fram min…

Halvard vil ha hjelp med juletreet, det er vanskeleg å få det beint i foten, og eg som var med og plukka det ut med tanken på at me for ein gongs skuld skulle ha eit skikkeleg fint tre som stod beint og fint heilt av seg sjølv. Me skrur og skrur på skruene i foten, men like skeivt vert det same kva me gjer.


Halvard: Treet er skeivt

Eg:        Nei, det er beint.

Etter 30 forsøk:

Eg:     Det må jo gå til slutt… Me har jo alltid klart det før.

Halvard: Nei, me har aldri klart det, trea våre er skeive kvart år…

Halvard brukar lang tid på å fordela julelysa. Han set i kontakten og dei lyser ikkje.

Eg:    Dei må jo lysa, dei var nye i fjor.

Halvard: Har me kjøpt dei på Nille?

Eg:    Nei, i fjor kjøpte eg dyre lys på spesialforretning fordi eg var så lei av lys som ikkje lyste

Eg skrur på ei og ei pære, eg tek dei av og prøver ulike kontaktar. Dei lyser framleis ikkje…

Eg les på pakken. Der står det at dei andre pærene skal lysa sjølv om ei av dei går i stykker.

Eg:    Har du lyst til å kjøra ut og kjøpa nye lys?

Halvard:Ikkje akkurat nå.

Eg med lett trøystande tonefall: Me får det vel til til slutt.

Halvard: Det er lenge til jul endå.


Og det er det jo…

Det er mange ting som hastar meir enn juletreet, nemleg.

🙂

Heidi

image

From → Uncategorized

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: