Skip to content

Sol og vår

mars 30, 2014

image

På toget heim gjorde eg eit forsøk på å skriva eit innlegg, men det vart for vanskeleg. Dekningen var frykteleg dårleg. Med denne kommoden ville eg visa kor fint det er på Lysebu. Huset var nesten som ein kongsgard frå eventyra. Eit stort tun, med stabbur og gamle bygningar bygde i gammal stil, inne var det veldig estetisk ordna til med masse friske blomar, levande lys, faklar og peisbål. Det var framleis masse snø der oppe, bare ca 40 minutt med banen frå varme, vårlege Oslo sentrum.

image

Etterkvart har eg blitt veldig redd for ikkje å nå tog, bussar og fly og sånn. Slik var det ikkje før, då gjekk det nesten sport i å ikkje vasa vekk tid på venting. Eg tenkte at sidan det i løpet av natta var blitt sommartid, så var det ikkje sikkert at trikkane var i rute, dessuten veit eg om meg sjølv at eg er i ferd med å gå meg vill nesten kor som helst. Eg bestemte meg derfor for å droppa det siste foredraget og avskjedslunsjen for å vera heilt sikker på å nå toget mitt.

Det gjekk som det suste nedover, og eg hadde veldig god tid. Eg hoppa av på Nasjonalteateret stasjon for å nyta sola på Karl Johan. Eg kjøpte meg eit = Oslo, og sette meg ned utanfor sentralbanestasjonen for å lesa i sola. Eg hadde faktisk ei kjensle av at eg kanskje kunne treffa nokon eg kjende.

image

Og plutseleg så stod Borghild der, eg såg ho ikkje før eg nesten fekk ein klem. Ho hadde god tid ho og, og me fekk oss ei roleg og avslappa stund i sola i lag.

image

Det var nesten som ein sommardag i Oslo sentrum. Byen vaknar til liv og folk kosar seg ute etter ein lang og mørk vinter.

image Og med to fine bøker gjekk turen fort heimover. NSB har klart å halda ruta fire togturar på rad. Eg er imponert…

 

Heidi

 

From → Reiser

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: