Gå til innhald

Dette rare vesle livet

mai 28, 2014

image

Eg fortset med denne fikse ideen å skriva eit innlegg kvar dag i mai-månad. Eg innser at det er eit merkeleg prosjekt, spesielt i ein av dei aller travleste månadane, men av ein eller annan grunn så liker eg å fullføra litt rare og forskrudde innfall. Det har vore ein nydeleg maidag. Heldigvis fekk eg og jentene og Oscar tid til ein tur i skogen.

Nå nå vrimlar det av ville blomar ute. Desse kalte me kaffiblomar då eg var barn. Eg må innrømma at eg ikkje veit kva dei eigentleg heiter. Eg meiner det veks små tytebærliknande bær på dei som me kalte hønebær, men eg er ikkje heilt sikker på det heller.

 

 

image

I dag avslutta me før langhelga med leiketime på skulen. Ungane hadde for ein gongs skuld fått lov til å ta med leiker heimefrå. Det var stor stas.

image

I løpet av dei siste tre åra har eg leika mykje med Lego saman med ungar. Eg må innrømma at eg rett og slett har blitt ganske glad i det… I følge Bauhausideen, så skal leik i arbeidstida vera veldig kreativitetsutviklande… I det siste har eg bygd mange fine legohagar, kanskje eg brygger på ein større hageide…

image

Odd Christian og eg hadde skaffa informantar på kvar vår skule som svarte på tre enkle spørsmål Ingrid skal bruka i oppgåva si. Her leverer me informasjon og har ein kreativ kopp kaffi…

image

Eg har hatt ei veldig travel veke der arbeidsbunker og støv har hop seg opp. I kveld fekk eg delvis pakka ut kofferten etter helga. Då eg nesten var klar for å stenges kjøkkendøra kom Halvard heim med stor fiskefangst tretten seiar og to lyrar, så var det bare å gå i gang med sløying. Eg er heilt for sjølfanga fisk, men har utvikla meg til å bli ei pyse som kvier seg for å spretta opp  buken på fisk. Då eg var barn likte eg både å fiska og å reinska fisk saman med far, nå må eg ta sats. Nå ligg dei i kaldt vatn. Eg var inne på tanken å laga heimelaga fiskekaker, men veit ikkje om eg vågar meg i gang med det. Kanskje det blir fiskegrateng?

Eg finn fram mobilen og deaktiverer med stor fryd morgonalarmen…

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google+ photo

Du kommenterer no med Google+-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: