Skip to content

Be-bop-a-luba

februar 29, 2016

25310911525_4c53a274fe_o

Denne helga har det skjedd mykje kjekt. I tillegg til at Eva Mari kom på besøk, så hadde me og Sunniva heime. På laurdag skulle min flinke nevø, Oscar spela føremiddagskonsert i Stavanger. Her er han med bandet sitt, Bebopaluba. Dei spelar bebop-jazz… Det svingde skikkeleg av det. Dei spelte i to omgangangar a 45 minutt, og Harboefamilien stilde mannsterkt opp med tante, onkel, mor og to kusiner. Det er Oscar som spelar kontrabass.

imageFor å sleppa inn, måtte me først bli medlemmar av Stavanger jazz- forum, men me lot oss ikkje stoppa…

imageI andre omgangen tok eg opp skriveboka mi og fekk skrive mange tekstar. Det var rett og slett fin musikk til å skriva til. Nå skal eg ta fram boka mi og gå gjennom dei tjue tekstane eg skreiv. Eg reknar med at noko av det kan brukast til eitt eller anna.

image
På bytur med tante Emma, så fann me raskt noko som måtte vera staden for oss på meir enn ein måte…

image

På sundagen haldt me fram med å vera kulturelle. Hå gamle prestegård er ein fantastisk plass, spesielt under høg lyseblå februarhimmel.

image

Me såg ei spennande utstilling av Arne Nøst. Han hadde kombinert figurar, levande film, musikk og lydar, og innreda låven nesten som eit sakralt rom. Feltsenger var ein del av alle installasjonane. Eit av utgangspunkta for ideane til installasjonane var flyktningestraumen og dette med å skaffa rom for fleire. Det som gjorde denne utstillinga spesielt fin, var at Arne Nøst sjølv kom for å fortelja om utstillinga medan me var der. Kvaliteten på biletet yter det ikkje rettferd, så reis sjølv og sjå dersom du får sjansen.

På prestegarden er det alltid noko eller nokon du gjerne skulle teke med deg heim…

image

Men ein kaffikopp og kanskje ein lefsebit i kafeen blir det som oftast ei råd med. Det gjorde det i går og, Der var det endå meir lokalkultur å hala, for i stova sat Emton Aadnesen og spelte på citteren sin. Slikt har dei heller ikkje i hovudstaden der aust.

image

Og så fekk me heldigvis tid til ein tur i det fine veret.

image

Så vart det storsamling i stova til kjøtkakemidddag og Eva Mari sine vaflar før Sunniva måtte til flyet og dei andre ungdomane heim kvar til sitt.

Då bare dei på over femti var att i heimen gjekk stova over til å bli ein veldig lokal strikkekafé og strikkedamene såg to filmar på netflix som eit tilskot til produksjonen….
Noko av det fine med å ha besøk er at ein kjem seg ut på så mykje kjekt sjølv. Det blir nesten som ein liten ferie i svært kjende omgjevnadar…

Heidi

 

 

 

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: