Maratonveka

Maratonveker pleier ofte å dukka opp sånn omtrent på denne tida. Dei ber med seg ein fullstappa timeplan og mange gode opplevingar.

Dette veka har me hatt tre forestillingar med tredjeklassingane våre. Det var veldig kjekt nåt me kom så langt. I tillegg har eg hatt bokslepp med skrive- elevane mine der dei og eg las opp frå den nye boka vår.

Eg og Leif har fått oppleva ei sommaravslutning for prestane i prostiet der me hadde eit førtifem minutts program med diktopplesing, forteljing og Leif sine fotografi i tilleg til å få med oss deilig mat frå Filipininene og ein koseleg sommarlys kveld i den fine prestegarden ved Timekyrkja.

Eg har vore med på å arrangera sommaravslutning for personalet på skulen der eg jobbar og har vore på diverse andre sommaravslutningar. I går var eg på koseleg Finnøytur med gode venninner. Livet er godt når det er travelt, og det kan vera interessant å sjå kor mykje program det går an å pressa inn i ei vanleg sjudagars veke a tjuefire timar. Nå gleder eg meg stort og inderleg til å få sommarferie med tome kalendarark og romslege dagar.

Heidi