Luke 2 2016

Litt overraskande etter fleire dagar med gråver, kom dagen i dag med strålande desembersol. Vêret var perfekt til ein tur langs jærstrendene, noko som passa oss kjempegodt.

Finare kan det ikkje bli.

I den lange perioden med lite blogging har eg hatt det travelt med ulike forestillingar, skrive evalueringar og hatt utviklingssamtalar, vore på veldig fin jentetur til Hamar , gløymt kofferten på toget i Oslo og fått han tilbake, feira stor femtiårsdag for syster og falt på sykkelen på glatta utan å slå noko anna enn kneet…

Kanskje eg kjem tilbake til noko av dette, men me får ta det her i frå, nå ser eg fram til eit litt rolegare liv i vekene fram til jul. Eg liker adventstida og desembermørket med masse lys inne. Eg gleder meg og til meir tid til skriving.

Eg har tenkt å leggja ut dikt og glimt av levande liv her kvar dag i adventstida. I dag får bileta fortelja litt om den finaste plassen i verda.

Heidi