Gå til innhald

Det sårbare i livet.

februar 5, 2006

At eg framleis kan få til slikt! Eg skreiv ein lang tekst som bare forsvann fordi eg var borti feil tast…

Kanskje det ikkje var meininga at teksten skulle på nettet? Han handla om ei god bok, om kvinnefellesskap, om ei brillestang som er knekt og brillene mine som er festa til venstre tinning med pakketeip…

Teksten handla om det sårbare i livet, til og med på det materialtekniske planet, om ei knekt tann og eit glassmykke som knuste mot flisene på badet. Det var julegåven til Ingrid frå to av fadderane, ho vart lei seg. Eg må prøva å få tak i eit likt smykke,det var eit rosa glaskors med sølv i…

Eg må prøva å halda sundagane frie for arbeidsoppgåver.
Nå har eg nokre tekstar eg må få skrive, men eg blir dregen i alle retningar. Gjester ringer på døra, døtrene mine treng ei mamma. Ungane lurar på kva me skal ha til middag. Ei venninne av meg går på cellegift mot kreft i ein lymfeknute. Eg snakka med ho i går. Ho var kvalm, men pågangsmotet var stort.

Eg var på økumenisk gudsteneste i føremiddag. Eg gjekk dit aleine. Det var fint å vera der. Talaren snakka om det å våga å vera ein medvandrar. “Det er alltid så mange ein skulle gått ved sida av,” sa Ståle etterpå. “Ja, sa eg, men ein få prøva å sjå dei ein til ei kvar tid faktisk går ved sida av…

Sundagsfrokost er fantastisk fint. Varme rundstykke, svart kaffi, appelsin, ost og oliven…

Og nå må eg skriva tekstane mine. Skriva var det ja….
Og så ventar eg framleis på melding frå Odd Christian om at han er vel framme i Australia.

Heidi

From → Uncategorized

2 kommentarar
  1. Tintomara permalink

    Hälsa din väninna med cancern från mig. Min dotter hade det för ett par år sedan. Det var en tuff behandling, men hon blev bra, och är det fortfarande. Hon går ju på kontroller, och den senaste var bara för någon månad sedan, och allt var bra. Det kan vara skönt att höra, jag tyckte i alla fall det när jag den gången fick höra om en ung släkting som klarat sig igenom det.

  2. Heidi: permalink

    Ja, takk, Tintomara. Det er godt å høyra.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: