Gå til innhald

Dragspel, viol och mandolin…

februar 10, 2008

Visa om Fritjof och Carmencita har surra rundt i hovudet mitt i helga. Eg har nemleg vore på tangokurs, litt motviljug lot eg meg overtala av min for tida svært danseglade mann, men det var faktisk morosamt å dansa tango… Så nå kan snart han Gunnar på Mo og alle dei andre bare ta seg i vare…

Veka som gjekk var innhaldsrik. Det mest utfordrande var at på fredag gjekk startskotet for årets HC Andersen- turné der eg og Jan Ivar besøkjer alle skulane i kommunen og spelar teater. Først er det eit teaterstykke på om lag femti minutt der han og eg er skodespelarar, og så instruerer me elevane slik at dei ein time seinare har små forestillingar for kvarandre over eventyra om “Prinsessa på erta” og “Keisarens nye klær.”

Stykket var meint som ei eingonsgreie ved 200 årsjubileet for HC Andersen, men nå er me ute for fjerde året på rad. Sjølv om me har gjort dette tre gonger før så er det litt arbeid med å gjeninnøva stykket og pakka utstyret me treng. I tillegg til det me brukar sjølv så har me med oss fleire kassar med kostyme som ungane skal bruka.

Det var godt å koma i mål og bevisa for oss sjølve at manuset sit som det skal. Me feira med ein privat liten premierefest på pastabakeriet umiddelbart etterpå.

I går brukte eg føremiddagen til å hjelpa Arne og Inger til å flytta ut av det nye huset og inn i det gamle. Me var ein stor gjeng som hjalp til, men det slo meg kor ufatteleg mykje arbeid det ligg i det å byta bustad. Eg trur me får bli buande her i all vår dag… Å bidra med nokre timar er bare triveleg, men å organisera heile greia…

Etterpå var det rett på tangokurs, og i går kveld gjekk det opp for meg kor sjeldan eg er verkeleg fysisk sliten. Eg var heilt klar for senga ganske tidleg på kvelden, og parkerte på sofaen til det var seint nok… Sannsynlegvis er det veldig sunt å ta seg ut litt, kanskje eg må slå meg på kombinasjonen flyttesjau og dansekurs.

I dag samla me familien i stova og tok ei felles feiring av morsdagen og nokre gebursdagar. På onsdag skal eg på eit tredagars kurs i dramaturgi. Det trur eg blir fint. Og så er det vinterferie. Eg har mykje å bruka ferien til. Det skal bli deilig.

Forresten… På kurset var det ein veldig pedagogisk danselærar som prikka meg venleg på aksla og sa “ Det er bra, veldig bra!” Det er første gong eg har høyrt nokon kommentera meg på dansegolvet på den måten. Kanskje han har erfart det same som meg… Ein kan utretta små under gjennom å rosa elevane sine.

Och hon dansar underbar tango?

Heidi

From → Uncategorized

2 kommentarar
  1. Torhild permalink

    Du verda!Eg gler meg alt til dansegale stunder i Spania!!! Sjølv gler eg meg til å reisa med konfirmantar til Danmark – avreise 02.50 på torsdag!! Kjem heim tirsdag i vinterferien.Hadde vore kjekt om me kunne treffst…

  2. Heidi: permalink

    Klart me kan. Eg har mykje å gjera, men held meg stort sett ved telta…

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: