Gå til innhald

Pasjon -08…

mars 9, 2008

…heitte forestillinga i domkyrkja i går. Det gjorde inntrykk å sjå Jesus-skikkelsen bli boren rundt av englar eller andre overjordiske makter frå stad til stad i historia.

Demonane dansa kring Jesus i Getsemane, og ansikt og hender kom i mot han i form av silhuettar mot eit raudt stoffstykke med stretch-effekt. Av grunnar eg ikkje skal gå nærare inn på her, vart me for seine. Eg var usikker på om me kom til å sleppa inn, men det gjorde me. Ti minutt for seint tumla me inn døra, inn i mørkret der skodespelarane stod og venta.

Helga har vore full av innhald, og eg har lova meg sjølv å få meg i seng i rimeleg tid. Det blir ei krevjande veke med foreldresamtalar om kveldane, men så, om eiin fire-fem-dagars tid blir det påskeferie.

Eg har lyst til å skriva. Mykje og lenge kunne eg ha skrive om boka til Magnus Malm og om bøkene til Dea Trier Mørch. Det får koma eller ikkje, men ikkje i kveld. Nokre gonger må bloggen vika for det ekte levande livet. Eg likar det ikkje heilt, for eg er eit stjerne-eksempel på eit Ja-takk-begge-deler-menneske…

Men eg har funne bilnøkkelen som eg har leita etter i ein månad. Kveldane lysnar, og eg har blå krokus i bedet framfor huset. Denne veka blir ferdiglagde gjerningar frå morgon til kveld om alt blir som planlagd, men slikt veit ein jo eigentleg aldri heilt sikkert…

Heidi

From → Uncategorized

2 kommentarar
  1. Torhild permalink

    Herlege Heidi! Det meste kjem til rette….May the road rise to meet you, may the wind be always at your back, may the sun shine upon your face,may the rain fall gently on your fields.. until we meet again,may God hold you – in the palm of His hand!

  2. Heidi: permalink

    Takk for signinga mi aller kjæraste- 😉

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: