Gå til innhald

At det verkeleg kunne skje igjen…

juli 20, 2008

at eg mista ein tekst utan å skjøna korfor… Lagre, lagre, jevnt ,og trutt og tappert det er tingen, for å feilsitera ein tekst eg lærte av Liv Godin i si tid. Eg får velja å tru på fortsetjinga: Alltid bedre om og om og om igjen…

Eg sit ute i mørke natta og skriv, akkompagnert av sirissar og skvulping frå symjebassenget. Ei klokke slo nettopp midnatt. Kven i all verda har med seg ei klokke som slår på ein tur som dette, då? Kan det ha vore ei kyrkjeklokke eg tok inn?

Dagane har vore fulle av opplevingar. På fredag tok me den smalspora jernbanen til Benidorm og såg på strendene og høghusa. Kjærasten min vil gjerne eta på plassar som ikkje er alt for turistifiserte, så me fann oss ein liten fortausrestaurant, utan engelskspråkleg meny der alle dei andre gjestene såg veldig spanske ut. Der bestilte me noko som viste seg å vera eit stort blikkfat med ulike typar frityrsteikte fiskar og blekksprutar. På sida av vart det servert brød og aioli og lime til å pressa over, og kvar vår gaffel til å eta med… Det var mellom anna store mengdar frityrsteikte sardiner og babyblekksprutar på størrelse med store edderkoppar med alle armane inntakt. Viss nokon les mellom linjene at det ikkje smakte godt, så er ikkje det rett ressonert. Det var eigentleg riktig så godt, bare litt mykje av det gode…

Ungane i solklubben begynner eg å bli kjend med. Dei er nydelege ungar. Nå har eg ettervart ganske god oversikt, over både dei og oppgåva mi her, og slappar godt av. I går var det full fart. Først solklubb oppe på takterrassen, så utflukt til Algarfossen, som var som ein oase i dette tørre landet. Der kunne ein bada i fossen og i kulpar i elva, som vel minna meir om ein bekk etter norske forhold. Faktisk kunne kulpane minna ein heil del om Hålå i bekken heime der eg og Torhild lærde å symja for ganske lenge sidan. Vatnet var klart og kaldt, og området rundt klassifisert som botanisk hage, Ei blåsargruppe stod oppstilt og spelte ompa-ompa-musikk medan folk bada i fossen. Etterpå fekk me lunsj saman med ein særdeles høglytt gjeng som tok den komande fiestaen litt på forskot. Gjengen frå Solgården blei med på leiken,og prøvde å overdøva dei med norsk allsang av type Tore Tang og Gøy på landet. Det ende med skåling og full forbrødring.

Vel heime att var det fest i solklubben, me bestilte pizza og dekka langbord med blomar frå oleanderbuskane her på området. Klokka sju kom dei små festdeltakarane, glade og opprømte i sin finaste stas, som var alt frå nyinnkjøpte små flamencokjolar til nye fotballdrakter med heltane sine namn på ryggen. Festen skulle vara til klokka elleve om kvelden, slik at dei vaksne kunne få seg ein bytur. For dei som er fire år, er det ganske lenge å vera på fest til elleve etter ein lang dag i sola. Klokka ti skjøna me at det var pedaogisk rett å roa dei ned med litt Donaldfilm i staden for nye rundar med stol-leiken… Men ved hjelp av handdokker, songar, forteljingar, aktivitetsløype og kristuskransar fekk me losa dei trygt gjennom kvelden, og kunne konkludera med at det var ein vellukka fest…

Og me vaksne sov sikkert minst like godt som ungane etter fullend opprydding. Eg skulle øva inn ein bibeltekst etterpå som eg skulle framføra på gudstenesta i dag, men sovna midt i apostelgjeringane. Heldigvis rakk eg å gjera jobben i dagmorges. Nå varslar maskinen om veldig lavt batterinivå, så eg sluttar her.
Heidi

From → Uncategorized

5 kommentarar
  1. Leif permalink

    Nei – tingen er å skrive i en tekstbehandler – ctrl + a for merke teksten, ctrl + c for å kopiere teksten og ctrl + v for å lime inn teksten i andedrakt

  2. Heidi: permalink

    Men det kjennest liksom tryggare å gjera det på den måten eg alltid har gjort det…

  3. Leif permalink

    Det kan jo ikke være trygt når du jevnlig mister tekster??

  4. Eva Mari permalink

    Er det slik dere kommuniserer?

  5. Heidi: permalink

    Det også…
    Er det romantisk eller urovekkjande? 😉

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: