Gå til innhald

På terrassen om kvelden,

juli 24, 2008

den felles terrassen her på Solgården, senkar kvelden seg.
Mørket pakkar seg varmt og sydlandsk rundt oss, og myggen bit og kosar seg. Halvard har vore i Alicante med Sunniva og Irene og blitt kledd opp litt. Han susar rundt med lyseblå caps og merke T- skjorte og ser meir tenåringsaktig ut enn nokonsinne. Kjærasten min var ledsagar for dei i storbyen og meinar at det å gå på handlerunde med to jenter på femten er eit studium verd. Det er ikkje det å kjøpa i seg sjølv som er den store greia, er hans teori, men det å jakta på den ultimate skatten, det store handelsbyttet som ein kanskje kan koma til å snubla over heilt plutseleg.

Sjølv har eg leika Sydenturist i dag, eller for så vidt slår det meg at det vel kanskje er akkurat sydenturist eg er når eg tenkjer meg om. I dag hadde eg ingen plikter bortsett frå eit møte eg skulle vera på klokka halv seks, og det var deilig å ta det med ro. Etter frokost og ein stor oppvask drakk eg kaffi på terrassen til Torhild og sat i hagen i sola og skreiv kort til halvparten av dei elevane eg er kontaktlærar til. Resten får eg skriva til i morgon.

Så bar det ned til stranda i Villajoyosa, som visstnok er den finaste stranda i området. Der var det leie av solseng og parasoll, sist eg var der ønska eg ikkje å leia parasoll. Då skulle denne i prinsippet slåst ned, men sidan mekanismen var rusta fast, vart løysinga at han som krevde inn pengar hjalp meg og Torhild med å dra solsengene ut av parasollskuggen. Det medførte at me måtte så nære sjøen at me fekk sjøsprøyt over oss frå dei største bølgene…

I dag kunne ein kjøpa seg massasje medan ein låg på solsenga. Ei asiatisk dame gjekk rundt med eit kopiark av ein kropp inndelt i soner, og så kunne ein peika på kva del av kroppen ein ville ha massert. Eg stod over i dag. Sjøen her er varm og deilig, og eg hugsar plutseleg kor glad eg eigentleg er i å bada.

Nå blir myggen litt vel nærgåande, så eg får vurdera å gå inn, eventuelt for å bruka myggolje og gå ut igjen… Eller kanskje det blir tidleg kveld. I morgon tidleg er det solklubb, og eg må kikka litt på det eg har tenkt at me skal gjera.

Heidi

From → Uncategorized

4 kommentarar
  1. morsan permalink

    Du vet väl att jag läser och läser och njuter av dina ord även om jag inte kommenterar?

  2. Kirsti permalink

    Hei Heidi – Kirsti her. Sitter på jobb kl.06:15, og har allerede vært her siden 04:20. Ganske tidlig for de fleste, men som «floor walker» på flyplassen må en innrette seg etter chargerflyavganger bl.a. Nok om det; det er så koselig å lese dine innholdsrike betraktninger fra oppholdet på Solgården. Som søster til Torhild må jeg si at nå synes jeg det er jammen på tide at de kommer seg hjem. Vi har tropevarme her som er meldt til onsdag neste uke – så vi har jo litt sydenstemning her og. Jeg savner Torhild & Co velding, da jeg ikke har sett dem på siden midten av juni. Jeg har jo flyttet tilbake til Sandnes, og skulle mer enn gjerne hatt dem rundt meg. Samtidig er jeg så stolt og glade over at hun og PM bidrar med så mye av seg selv der de er. Du må hilse såå mye til alle dine Heidi – og samtidig fortelle Torhild at jeg «miss them all like crazy». Ha et fortsatt innholdsrikt og givende opphold. Klem fra Kirsti:-)

  3. Kirsti permalink

    OBS: Tydelig at det er tidlig på morgenen. Ser i ettertid at jeg har skrevet x-antall ord feil. Får skylde på at jeg har vært oppe siden 03:15 – gjesp, gjesp….. 🙂

  4. Heidi permalink

    Hei Kirsti og Morsan. Så koseleg at dokke les her. Eg høyrte du hadde flytta til heimlegare strøk, Kirsti. Alle gode ynskjer for framtida di der. Eg skal helsa. Torhild og Per Magne er kjempeflinke.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: