Gå til innhald

Fjerde dag jul.

desember 28, 2008

Eg såg verkeleg fram mot andre juledag. Ein heil dag i bil utan ein einaste ting eg måtte gjera, ordna eller bli ferdig med. Det seier litt om å vera trøytt når jula plutseleg er der, men det kan vel seiast å vera ein viktig del av tradisjonane det og?

Andre juledag kom med nydeleg ver. Vegen var fri for snø og is, men temperaturen som låg og vippa to tre grader over og under null, gjorde at ein kunne risikera litt småglatte vegar her og der.

Me var flinke til å koma oss tidleg opp, og med ein kopp kaffi frå den rosa termoskanna vår sette me kurs mot soloppgangen i aust. Lufta var litt rå og fuktig, slik at trea stod rimkvite langs vegkanten. Dei første fire timane sat eg stort sett med augene lukka bare fordi det var så deilig å slappa av. Eg hadde teke med diverse julemusikk frå “Fire tenorar” til “Jul med Elvis Presley”, dersom nokon dag er den rette for slik musikk så var det denne. Halvard hadde lasta ned lydbok, Max Manus sine memoarer. Det er jo høgaktuelle greier i desse dagar.
Om det kunne eg ha skrive veldig mykje, men då kjem eg ikkje lenger, så eg let det vera.

Me nådde fram i det det skulle til å bli skikkeleg mørkt, så me traff perfekt med dagslyset. Hos Eva Mari var det julebord, og juletre, masse stearinlys og fyr på peisen.
Me fekk mellom anna servert peparkaker med blåskimmelost og mandarin.

Dessutan vart det ein ny omgang med julegavar. Eva Mari hadde sydd fin kjole til meg i eit spennande halvtransparent stoff, og laga ein nydeleg kalender som eg gler med til å henga opp heime på kjøkkenet. “Nå fekk eg skikkeleg julestemning,” sa Sunniva då me sat rundt bordet, eller kanskje det var Halvard som sa det.

Etterpå slanga og slynga me oss i det det måtte finnast av stolar og sofaane i ei veldig godt oppvarma julestove. Halvard og far hans drog på kino og såg Max Manus filmen i lag med to av dei vaksne syskenbarna til Halvard.
Og dette vart slett ikkje fjerde dag jul som overskrifta lova. Eg kom ikkje lenger enn til annandagen før mi tid ved dataen tok slutt fordi me hadde ein avtale. Slik er det når me er mange om ein PC og ein fint må venta på eit nådig lån frå ein eller annan…

From → Uncategorized

2 kommentarar
  1. Tintomara permalink

    Men jag tycker att man gott kan ta bort de traditioner som är dumma!
    Förr höll de på i månader att förbereda all julmat. De hade inga förvärvsarbeten att ta hänsyn till… inte skulle de skjutsa ungar till aktiviteter heller för den delen. Och inte pyntade de så väldigt mycket heller, bytte gardiner och la på nån duk och tog fram nån stjärna och nån stake bara. Inte tusentals elektiska ljusslingor som gör över med lika mycket energi som 5000 villor – Sverige är efter USA det land i världen som har mest julbelysningar. Hoppas ni är vettigare i Norge.
    Ska vi satsa på att inte vara trötta nästa jul?

  2. Heidi: permalink

    Avtale! Neste år skal me ikkje vera trøtte. Men det spørs om det held å lova det nå…

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: