Gå til innhald

Reisande i teaterbransjen.

mars 18, 2010

Sånn i bitteliten målestokk, så hender det at eg er det. Det hender eg er på turné med eit stykke, det har forekome at me har reist med unge skodespelarar til andre lokale, og det hender at eg legg ut på nokså lokale reiser for å sjå noko eg har skrive på ein annan scene enn vår eigen.

Sist torsdag var ein slik dag. Etter at eg hadde send elevane mine heim og laga ny vekeplan, småsprang eg ned til stasjonen, og rakk akkurat toget inn til byen. Ikkje den vesle byen eg bur i, men den store byen. Eg rakk det bare akkurat. Med billetten i den eine handa og lommeboka i den andre handa kasta eg meg inn i næraste vogn etter at konduktøren hadde blåse i fløyta si. Etter å ha stått eit minutt og prøvd å få tilbake pusten, fann eg meg eit ledig sete. Det viste seg at eg hadde kome i vogna til dei som reiste med månadskort, og dei fleste var på alder med døtrene mine. Ein halvtime i eit anna univers enn det eg til dagleg frekventerer vart det absolutt…

Så småsprang eg til hurtigbåtterminalen, sjølv om eg visste eg hadde god tid på akkurat den etappen. Eg kunne tenkjast å ikkje finna fram, og då er det greitt å ha tid å gå på. Eg fekk løyst fergebilett, og gjekk til eit kjøpesenter i nærleiken og kjøpte oransje ranunklar til Margunn, som eg gleda meg veldig til å møta.

Eg har alltid likt båtturane i Ryfylke. Med besteforeldre på den andre sida av fjorden var det viktige høgdepunkt i barndomen å reisa dit med båt. Det er så vakkert og beroligande å sitja på båten og kikka ut. Eg såg at det var i ferd med å bli snøfritt på Fogn, og  meinte å skimta svake teikn til vår på dei andre fergeleiene og. På Judaberg stod Margunn og venta med bil og ein stor klem. Og sjølv om eg har sett henne veldig sporadisk etter tre felles år på lærarskule i Kristiansand, så er det alltid så fint å vera i lag med henne. På kjøkkenet hennar fekk eg varm suppe og varme rundstykke med ein cherrytomat i midten. Store mengdar svart kaffi og heimebakt kringle fekk me og tid til før me reiste ut til sentralskulen for å sjå teater.

Det var fint og nostalgisk å sjå att «Prinsen og halve kongeriket» i ein lokal utgave. Eg såg ungar eg ikkje kjende, glødande engasjerte lærarar med og utan smileslips, og mange stolte foreldre. Skodespelarane var sjuandeklassingar frå alle øyene i kommunen. Det er interessant å sjå ei forestilling som «utanforståande». Til vanleg både kjenner eg ungane og er veldig ansvarleg for det heile. Om eg ikkje er ansvarleg så er eg som oftast mor til ein av dei som opptrer. Eg trakk den konklusjonen for meg sjølv at skuleteater er flott og fint og viktig.  Og eg begynte å spinna saman songar til den forestillinga me sjølv skal begynna med etter påske. Eg måtte opp på scenen og ta i mot ein stor bukett kvite tulipanar som framleis står i vase i stova mi.

Hurtigbåten ut til øyene går ikkje veldig ofte, så etter forestilling, mange koselege kommentarar og handtrykk, fekk eg endå eit par timar i stova til Margunn. Det var så fint å vera der. Så blei eg skyssa ut til båten og måtte fortelja mannskapet kor eg ville setjast i land. Eg vart meiningslaust glad då eg fekk sms frå kjærasten min at han ville henta meg i byen. Det var godt å sleppa turen gjennom byen til togstasjonen, venta på tog som bare kanskje var i rute, og gå heim frå stasjonen heilt til slutt. Det tek på å vera dame og reisa ut i byen på høge støvlettar. Ein kjem til eit punkt der det er godt å sleppa å gå fleire steg.

Heidi

2 kommentarar
  1. Margunn permalink

    TAKK Heidi, for at du tok turen. Det er sååå kjekt at me kan få ha slike radlestunder igjen. Lever ei stund på slike… Velkommen tilbake til øynå 🙂 med eller utan teaterframsyning som grunn. Stå på Heidi.

  2. heidi permalink

    Takk. Plutseleg er eg kanskje der igjen. EG trivst på Finnøy, og i stova og på kjøkkenet ditt. 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: