La Sagrada Familia

I dobbel forstand… Her i Barcelona er det framleis sommar. Over tjue grader i sola, med eit og anna fallande blad. Det blir litt vemodig å ta avskjed, for det er nok siste gongen i år me helsar på sommaren. Me nyt byen med høg intensitet og tempo når me er samla her alle saman. Me har hatt tapaskveld, lange vandringar i byen, sightseeing med buss og seine nattetimar på utekafe i havna. Nå i dag har me vore i byen for å handla og kikka på folk. I kveld skal me på fire rettars middag med flamencoshow og sjampanje. Eg hadde trunge eit strykejern, men får vel kanskje klara meg utan. Så er det heim i morgon tidleg.

Det fine med å koma heim er at eg er blitt «mormor» til ein mopsevalp medan eg har vore borte. Ingrid og Oddvar har skaffa seg ein liten Otto eller kanskje Oscar. Han er tre månadar gammal og lysebrun. Eg har vore litt skeptisk sidan Ingrid tidlegare har hatt allergiske reaksjonar mot ein del hundar, men han ser heilt fullstendig bedårande ut, så me får håpa at det går bra.

Heidi