Om fjell og sånt.

Når alt det galne

plutseleg ligg der

og stenger oss inne.

*

Når utsikta blir fjelltoppar

med problem på.

*

Og alt me ikkje orkar

lyser kaldt i mot oss.

Då skal me gripa sjansen

snu oss rundt

gå ein annan veg,

leggja oss ned i graset

kikka opp på himmelen.

*

Det er då me skal samla mot,

og la fjella liggja

der dei ligg.

*

Heilt til me ein dag

klare til kamp,

finn fram hakker og spader

puttar  fisherman i lomma

og brettar opp erma.

*

Sånne som oss gjer ikkje opp,

men det kan

rekka å ta litt om gongen.

*

Fjell spring aldri i frå deg.

*

Nokre gonger

er det like greitt å gå rundt

som å klatra over,

seier eg til andre og til meg sjølv.

*

Det er

slett ikkje alle dagar

som er laga

for å klatra over fjell.

*

Men så kan det koma

ein og annan dag,

med skarp luft

og passe mykje sol og skugge,

og ein oppmuntrande vind i nakken.

*

Då skal me snøra på oss klatreskorne

me skal rapellera

som om me aldri skulle ha gjort anna

med isøksa dinglande kjekt i beltet

om det skulle falla seg slik

at me skulle få bruk for ho.

*

Då skal me klatra med fryd

i leggmusklane

og triumf i brystet.

*

Og visst skal me stå der

på toppen til slutt

med rett rygg

og trøytte aksler og armar

*

Kom igjen

når den rette dagen er der,

då finn du oss

med fritt blikk

oppe ved varden.

*

Heidi