Gå til innhald

Om fjell og sånt.

januar 17, 2011

Når alt det galne

plutseleg ligg der

og stenger oss inne.

*

Når utsikta blir fjelltoppar

med problem på.

*

Og alt me ikkje orkar

lyser kaldt i mot oss.

Då skal me gripa sjansen

snu oss rundt

gå ein annan veg,

leggja oss ned i graset

kikka opp på himmelen.

*

Det er då me skal samla mot,

og la fjella liggja

der dei ligg.

*

Heilt til me ein dag

klare til kamp,

finn fram hakker og spader

puttar  fisherman i lomma

og brettar opp erma.

*

Sånne som oss gjer ikkje opp,

men det kan

rekka å ta litt om gongen.

*

Fjell spring aldri i frå deg.

*

Nokre gonger

er det like greitt å gå rundt

som å klatra over,

seier eg til andre og til meg sjølv.

*

Det er

slett ikkje alle dagar

som er laga

for å klatra over fjell.

*

Men så kan det koma

ein og annan dag,

med skarp luft

og passe mykje sol og skugge,

og ein oppmuntrande vind i nakken.

*

Då skal me snøra på oss klatreskorne

me skal rapellera

som om me aldri skulle ha gjort anna

med isøksa dinglande kjekt i beltet

om det skulle falla seg slik

at me skulle få bruk for ho.

*

Då skal me klatra med fryd

i leggmusklane

og triumf i brystet.

*

Og visst skal me stå der

på toppen til slutt

med rett rygg

og trøytte aksler og armar

*

Kom igjen

når den rette dagen er der,

då finn du oss

med fritt blikk

oppe ved varden.

*

Heidi

4 kommentarar
  1. Borghild permalink

    fint dikt.

  2. heidi permalink

    Takk 🙂

  3. Tintomara permalink

    Fint! Hoppas det är sant också….

  4. heidi permalink

    La oss velja å tru det, Tintomara.:-)

Legg att svar til heidi Avbryt svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: