Gå til innhald

Dansar katten på bordet…

juni 15, 2011

Verdens mest tåpelege problemstilling: Cleopatra ligg på kontorstolen min og bare ventar på at eg skal koma. Når eg kjem mel ho så høgt som ein liten motor, og hoppar opp på skrivebordet der ho spaserer rundt omkring, dyttar ein kjøleg snute i halsgropa mi og bare nyyyyt å bli klappa. Etterpå legg ho seg på det allereie litt overfylde skrivebordet , så nær tastaturet som det går an å koma. Der ligg ho og mel like høgt og lukkeleg, og innimellom dyttar ho borti ein eller annan tastaturknapp slik at datamaskinen for eksempel tek til å spela «Du grønne glitrende tre god dag» på full guffe. Sidan eg ikkje finn ut korleis ho klarte akkurat det, skundar eg meg å skru av lyden. Så hender det ho spaserer ein tur og lagar nye og kreative ord medan ho mel litt ertande til meg. Det hender eg mistar tolmodet og kastar henne ned, då tek det fem sekund før ho er på plass att. Visst kunne det fungera å lukka døra inn til kontoret, men kven har hjarte til å høyra den såre mjauinga frå gangen eller frå hagen om eg kastar ho heilt ut dit? Det var dette med å setja grenser då, men det skal innrømmast at ein malande pusekatt ikkje er å forakta, og når katten er ute dansar fingrane på tastaturet… Ho er jo framleis ein katt som likar å jaga utandørs, men det å ta streifturar i krattet eller balansera på naboen sitt takmøne, kan ho like godt gjera nattestid, då skjer det nemleg ikkje så mykje ved datamaskinen.

Elles så har eg i dag det eg betraktar som den første feriedagen, sjølv om eg har ambisjonar om å skriva mest mogleg i ferievekene. Eg har brukt halve dagen til å ta ein overmåte stor oppvask som stod der på benken. Me er mange i huset, og har takka vera oppvaskmaskinen slutta heilt å ta oppvaskøkonomiske hensyn. Den kunsten må me ksankje læra oss igjen, men eg har eit lite håp om at ein ny oppvaskmaskin skal vera på plass innan dagen er omme. Elles er det litt av kvart å henga fingrar og tær i her i heimen, men eg har lova meg sjølv å halda heilag nokre skrivetimar kvar dag, tida på Andedrakt får lov å inngå i den kvoten. I tillegg har eg lova meg sjølv minst ein time kvar dag på tur på sykkel eller til fots. Det er travelt å leggja planar… Og eg har ein stor stabel bøker eg lengtar etter å få lese og eit veldig koseleg strikketøy.

Og apropos vaffelhistoria frå i går, men hadde ikkje mjølk, men eg fekk prøvd ut to variantar av nødløysingar, den eine var å erstatta mjølka med rømme blanda med vatn. Den andre var å erstatta mjølka med vaniljesaus blanda med vatn. Begge deler fungerte. Ein gong løyste eg det same provlemet med å tina ein rest vaniljeis frå frysaren. Betre trådlaus enn rådlaus, som det heiter i eit gammalt norsk ordtak…

Nå kom kjærasten min inn til meg og katten for å fortelja at han hadde ein ny oppvaskmaskin i bilen. Takk til alle gode makter, han inkludert. Eg er ikkje heilt som andre husmødrer, det er meg revnande likegyldig kva merke han er av eller kva han har kosta oss bare han kjem på plass…

Heidi

3 kommentarar
  1. Tintomara permalink

    Vi är bara två till vardags, och jag är ändå väldigt glad imin diskmaskin!
    Det var rart att läsa om katten. jag skanar allt min Putte ibland, han hade så mycket idéer för sig innan han blev så gammal att han inte hittade på så mycket längre.

  2. Tintomara permalink

    Jag saknar skulle det vara! Inte skanar. Undrar när jag ska lära mig att läsa igenom vad jag skriver…

  3. heidi permalink

    Eg har det same problemet, – etter 26 år som norsklærar… Spesielt når eg skriv utan briller slik som nå, for då ser eg verken tastaturet eller skjermen skikkeleg…

Legg att svar til heidi Avbryt svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: