Gå til innhald

Kjøra tog med Heidi

august 10, 2011

Det er det du med dette er invitert til. Sit eg ikkje her i comfortvogna som ei anna businessdame, med PC-en tilkopla internett. Då må eg jo bruka han til noko spennande og konstruktivt eg og. Det er framleis mest menn i vogna. Bare to av dei snakkar saman. Dei diskuterer børsen og aksjekursar. Det seier nok mest om meg som pasjonert lyttar at eg liksom utan å tenkja gjennom det får med meg samtalen deira, sjølv om børs må vera noko av det som interesserer meg minst i heile verda. Himmelen er knallblå med kvitt slør der ite og skogen er grøn med ei og anna raudmalt hytte. I fylgje metereologane så er eg på veg frå eit regnversland til eit anna, og har altså gleda av ei togreise gjennom sollandet sånn innimellom.

Røsslyngen blømer, og eg skjøner at dette er ein usedvanleg spennande dag på børsen. Det visste eg vel i grunnen etter nyheitssendingane i går, og nå kunne eg få eit og anna tips om eg hadde lyst til å kasta meg ut på aksjemarknaden. Det har eg absolutt ingen planar om, og ikkje har eg tenkt å skriva tipsa her heller, for det er stygt å smuglytta til folk, og endå styggare å skriva ned ting folk seier og leggja det ut på internett. Eg kunne sikkert bli politianmeld for både spionasje og ærekrenking. Men eg kan seia så mykje som at den norske aksjemarknaden «går så det koster» så lenge klokka bare «æ fire på morran i USA».

Toget er nå nede på flatlandet etter å ha kjørt i fjellsidene på sør-vestlandet. Klokka nærmar seg ti på formiddagen, og fleire og fleire har kome på toget. Det er nok bare eit tidsspørsmål før eg ikkje får ha eit dobbelsete for meg sjølv lenger. Granskog, vatn og vannliljer, ein badedam for ungar. Denne sommaren har ikkje blitt slik at eg har bada i det heile tatt. Badedrakta har vore med meg på tre av fire turar og er pakka ned denne gongen og. Frå å vera som dei fleste ungar som bada bare ein fekk lov av dei vaksne så driv eg nå stort sett bare med lystbading, det vil seia ikkje bada viss vatnet ikkje kjennest behageleg, og då begrensar det seg ganske mykje her til lands. Men ryktene seier at sjøen er ganske varm nå, det vil seia bort i mot tjue grader.

Ulempa med denne typen togvogner er at dei ikkje snur seta når toget skiftar kjøreretning, det vil seia at nå kjører eg feil vei, og då gjeld det å ikkje bli kvalm. Dersom ein kunne stoppa toget som ein bil ville eg teke ein pause ved den elva me passerer nå og lagt meg på det varme svabergaktige fjellet ved sida av vatnet og samla litt solvarme.

Må ta ein pause frå skrivinga i alle fall før kvalmen tek meg for fullt.
Heidi

som

One Comment
  1. May Brit permalink

    ha ha – herligt!!!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: