Skip to content

Om å klora seg fast med neglene

mai 9, 2014

image<a

Eg prøver av og til litt for hardt å klora meg fast i tida. Eg har så mykje eg har så veldig lyst til å gjera og så prøver eg å dra i tida som ein ballong for å få mest mogleg ut av det eg dagleg får tildelt. Spesielt nå i mai, er det som om ein litt utålmodig tørste etter liv ligg og dirrar i lufta. Så blir det litt for lange dagar, og litt for lite søvn. På fredagane har eg ambisjonar om å jobba som ein helt og få skrive veldig mykje… I dag starta dagen med ein tur med Ingrid og Oscar for å få litt luft og fysisk aktivitet, for til og med eg skjønar jo at det er lurt å bevega seg litt… Oscar var så fin der han sat i baksetet på den vesle kvite fiaten og gleda seg til å gå tur.

image

Måkane ser nesten ut som om dei sit der og småhutrar litt i fjøresteinane.

image

Og i dag møtte me opptil fleire travhestar med blide kuskar i vogna som smilte og helste under ullhuvene sine.

image</a

Vel heime fekk eg ordna litt kjøp av billettar og diverse anna som måtte gjerast. Så kombinerte eg ein høgst nødturftig rydding av kjøkkenet med småprating med Sunniva som jobbar vidare med manuset sitt. Endeleg fekk eg sett meg ned for å vera kreativ. Eg har gjort opptak av ein nydeleg melodi Anne Kristine har laga. Det er ein vemodsvakker vårsull som er på jakt etter ord han kan kle seg i. Nå må eg nok prioritera ein ny runde med rydding. Min medforfattar i heimen har akkurat gitt ut to bøker, og arbeidsromet er fyllt med vekter for veging av bøker og papp for innpakking, taperullar, bøker osv medan eg har store papirbunker med elevtekstar framfor meg. Eit rom som passar som arbeidsrom dersom ein kan fungera som høgtfokuserande kaotikar i kreative prosesser… Eg kjenner at det er på tide å rydda litt. Me har forresten starta vårt eige forlag på toppen av det meste. Her finn du oss:

http://sporisandforlag.no/

Ein gong i tida var eg i kontakt med Vivan Zahl Olsen, som vel må vera min favorittbarnebokillustratør gjennom tidene. Det er ho som mellom anna teikna illustrasjonane til Fru Pigalopp. Eg fekk eit kort av henne der ho sa at ho godt kunne ha lyst til å illustrera nokre bøker eg hadde send henne manus til, men så kom det liksom aldri vidare… Av og til er eg for dårleg på å stå på for å få ting i havn, eg ender med hoppa på nye idear og prosjekt i staden. Dette er det fine kortet ho sende meg. Det dukka opp under eit forsøk på rydding av arbeidsrom. Eg synest at kortet på ein fin måte viser kva som er viktig i livet…

image

Heidi

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: