Gå til innhald

Erter og hvete og ligge i silkeseng

november 7, 2014

image

Dei siste dagane har eg ledd litt for meg sjølv, medan eg har strekt ut ryggen,som er litt øm etter forsøka på å bera dei blytunge nye møblene våre opp i stova. Etter ein månad utan møblar i stova, me visste ikkje at det var så lang leveringstid på dei, er me igjen i ferd med å få det ein rett og slett kunne kalla «et møblert hjem»…

Grunnen til at eg har ledd er tanken på det gamle gode eventyret om «Grisen og levemåten hans», som eg først fekk sansen for i godt vaksen alder. Det handlar om grisen som var lei av å ha det som ein gris. Han gjekk til den store domaren som gav han medhald i at han hadde då rett til å ha det som folk han og. På vegen heim gjentok han dei nye premissane for seg sjølv og gjekk og mumla: » Erter og hvete og ligge i silkeseng». Dessverre skjedde det noko. Etter kort tid fall han inn i sine gamle vanar, og vart gåande og mumla for seg sjølv: «Skyller og rask og ligge i boss». Sjølvsagt ende den stakkars grisen med å eta skyller og rask og å liggja i boss, fordi det var det einaste han var i stand til å fortelja seg sjølv om seg sjølv.

image

Dyre møblar har ikkje vore vår førsteprioritering, og interiør og husarbeid har aldri vore vår lidenskap. Visst har me likt å ha det koseleg rundt oss, men det har meir vore av typen blomar på bordet og levande lys i eit barmhjertig støvskjulande halvmørke. Stova vår har vore av det slaget der dyr og småbarn ikkje har kunna gjera større skade… Nå har me med god hjelp fått huset, etter vår standard, rimeleg reint og ryddig, og me har gått til innkjøp av nytt spisebord og to grå ullsofaar frå Bolia. Om det går med oss som med grisen, er ikkje godt å seia, men me får gjera eit ærleg forsøk på å driva heim i ein litt meir møblert utgave, og håpa at me ikkje lengtar alt for mykje etter den oransje nedslitte sofaen med vaskbare trekk frå IKEA. Trekka har faktisk blitt vaska to gonger i året, men det skulle ingen ha trudd… Sofaen er nå ikkje lenger vekke enn i stova på loftet når sant skal seiast… Kanskje kjem me til å leva kvardagslivet vårt der…

Så nå held me på med å venna oss til å bu i vår eiga stove, det er blitt fintder, og me kjenner oss ikkje heilt igjen. Det går seg til utan tvil, og Bonytt ringer nok ikkje på døra denne veka heller.

image

At eg får ei stove som er for fin til å brukast, er vel i grunnen lite truleg. Kan nokon forresten vera så snill og stoppa meg om eg utviklar for mange symptom på «støv på hjernen»? Det er i grunnen noko av det siste eg vil pådra meg. Det må vera ein tidkrevjande diagnose.

Heidi

2 kommentarar
  1. Så fint dokke har fått det.
    Men forstår det du seier om å sleppe få støv på hjerna. Det må vere travelt det, men det kan fort bikke hin vegen også..
    Vi har også fått ny sofa i haust. Men ellers er det meste arva eller kjøpt på Gjennbruk eller Finn.no.

    God søndag!

    • For å vera heilt ærleg, så er det nok reelt mykje større sjanse for at eg havnar i den andre grøfta, ja…

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: