Gå til innhald

Haustbesøk i blåsbortver

november 9, 2014

image

image

Eg liker at folk er spontane. Eva Mari hadde fri nokre dagar og bestemte seg for å hiva seg i bilen saman med den irske setter-valpen og kjøra femti mil for å besøkja oss. Slikt kan eg lika. Ho kom akkurat tidsnok til å få sjå stova vår utan møblar og vera med og møblera litt. Ho er flinkare enn meg til slikt.

Me har lese bruksanvisninga for korleis ein skal behandla nye møblar og ledd av det me såg. Møbler i ullstoff bør ikkje stå i sollys, dei kan bli misfarga av at folk sit i dei med dongeribukser, og ein del bukcer har eit så hardt parti der baklommene er festa til buksa, at det på sikt vil forårsaka stor slitasje på stoffet. I tillegg vil naturleg fuktigheit frå menneskekroppar gjera stoffet surt, noko som og kan føra til stygg slitasje. Dersom det blir sølt på stoffet bør ein straks koma springande med ei skei eller ein butt kniv eller annan eigna reiskap for å skrapa forsiktig før ein går laus på punkt to i flekkfjerningsprosessen som er avhengig av kva ein har sølt. Dei gjer og merksam på at dongeristoff kan skjula mykje sand, jord og støv som kan tæra på tekstilane og føra til slitasje.

Dette gjaldt ikkje bare vår sofa, men møbelstoff generelt. Dessutan burde ein flytta møbelet rundt i romet for å ikkje få statisk belysning, og ein burde vakta seg vel for å setja seg same staden kvar gong, og dermed bidra til ujamn slitasje.

Så dersom de lurer på korfor det alltid er føretrekt hos oss, så er det fordi me vil unngå falma møbelstoff. På grunn av nyslipte golv, vil me ikkje sleppa inn nokon på sko med hælar, og for å unngå slitasje grunna dongeribukser har me kjøpt inn eit lagern pyjamasbukser i størleik XXl slik at dei burde passa alle. Desse kan regulerast med strikk i livet, og kan brukast utanpå eller i staden for dongeribuksa ein er uvøren nok til å ha på seg når ein går på besøk.Dersom me i tillegg unngår alt som kan flyta og smula i nærleiken av sofaen, så vil det vel helst gå godt.

image

image

Me har ikkje lese bruksanvisningen på spisestuebordet endå, så enn så lenge går me ut i frå at me kan setja mat på det, og det har me og gjort.

image

Elles har me fått med oss mykje kjekt. Me har vore på førjulsmarknad i smiegarden, der det var mykje fint å sjå på, til dømes ikon i gyldenlær.

image

Og teikningar av mopsar… I tillegg var det mykje anna fint handtverk.

image

Dei selde og heimelaga tradisjonell mat, og me kjøpte med oss vannkringler, syrekake, ambrosiabrød og krotekake. Etterpå drakk me kaffi hos Gerd og smakte på godsakene.

image

Men først handla me i handverksbuene på Torgsenteret. Og Olinda tipsa oss om at øverst i Tubakken og litt lenger kunne me få kjøpt dei mest fantastiske stoffa til dei som har lyst til å sy. Det måtte me kikka nærare på.

image
image

Eg fekk frykteleg lyst til å sy barneklær, så dit må eg nok tilbake til. Eg fekk med meg litt fie fløyelsband og fine knappar, så eg har litt å leggja i hyllene mine.

image

image

image

Elles så er eg og Eva Mari eit ganske handlekraftig team når me slår oss saman, så me har og fått med oss eit par strandturar i «blåsbortver», ein bytur til Stavanger og eit par filmar på netflix. Det har vore herleg avslappande å ha besøk. Nå er ho og Lara på veg heimover igjen, og eg brukar dagen på å skriva og gjera klar til ei lita farsdagsmarkering for far med kaffimat frå Smiegarden. Livet kjennest godt.

Heidi

2 kommentarar
  1. Tone Moseid permalink

    Det er alltid veldig gildt å lesa tekstane dine Heidi!
    Gildt med spontant besøk ❤
    Når det gjeld behandling av spisebordet vil eg tipse om noko. Me har same type bordplate frå Bolia (dersom den er kvit?) og me fekk beskjed om å sette den inn med «Laminate cleaner» frå Bolia. Dette skulle gjera overflata mykje sterkare og lettare å halda fin og ripefri.

    Beste helsing Tone

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google+ photo

Du kommenterer no med Google+-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: