Gå til innhald

Eg liker romjula

desember 29, 2014

imageEg liker romjula. Det har eg visst alltid gjort, det er deilig å gli inn i rolege romslige dagar med vekkerklokkealarmen avslått, med mykje triveleg samver med andre, og tid til å lesa bøker, sjå filmar og kanskje gå ein tur bare fordi ein har lyst og fordi det er lyst ute.

Dei to føregåande dagane har vore herleg selskapelege med god mat og kjekke folk i julepynta hus.

image

Først var det julekaffi med kjekke damer hos Astrid. Ute var det blitt kvitt og frykteleg glatt, så pass glatt at eg måtte halda meg litt fast i buskar og vekster då eg gjekk snarvegen bort til henne. Sjå kor fin julestjerna er mot ettermiddagslyset ute.

imageSå var me i «vaksenselskap» saman med familien min om kvelden. Ute var det framleis vinter. Me åt varm og sterk suppe og snakka om slikt som er og slikt som har vore.

I går kjørde me opp til hytta til Torhild og Per Magne. Det var veldig glatte, bratte vegar opp dit, og ganske mykje snø. Me var glade for at me ikkje møtte bilar på veg nedover.  Det var veldig fint då me var vel framme. Me åt god mat og feira fadderbarnet vårt, Maren som er blitt atten år, i lag med dei andre fadrane hennar, Olve og Elin. Me hadde med oss badetøy, men tida gjekk så fort at me kom oss aldri opp i den varme badebaljen ute i snøen på verandaen.

image

Og bålpanna vart heller aldri kveite, så me må nok opp dit att om ikkje så lenge for å testa kva me gjekk glipp av…

Og om kvelden var me i eit superkoseleg romjulsselskap heime hos Stig og Oddny saman med mange trivelege folk. Der kom eg viss ikkje så langt at eg fekk teke eit einaste bilete. Eg var takknemleg for å sleppa å vera sjåfør, for det var framleis frykteleg glatt ute…

I dag har me fått ny bil, ein el-golf som vart bestilt for ganske lenge sidan… I teorien er eg veldig for el-bilar, men eg er ikkje ein person som kjører bil med glede og entusiasme, og slett ikkje nye bilar. Det går seg vel til, kanskje, får me tru… Sjåføren min er i det minste entusiastisk, og me måtte ut for å testa ut det nye kjøretøyet. Ute var det så fint fotolys.

image

 

image

 

Me måtte innom mor og far for å visa fram bilen.

image

 

Så kjørde me heim att i den blå timen.

image

 

Elles så har eg brukt ledige timar på å lesa ut Yan Friis sin Beatles- biografi, som eg hadde kjøpt til Halvard til jul. Eigentleg er eg litt forundra over kor sterkt eg let meg fascinera av Beatles, musikken deira og historiane rundt dei. Kanskje eg skriv meir om det ein annan gong?

Heidi

 

 

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: