Skip to content

Tretti år i dag

mai 25, 2015

17004159679_0d2b639644_o

I dag har eg og kjærasten min vore gifte i tretti år. Det høyrest ut som uendeleg lang tid, og det er det kanskje og, men jammen har tida gått fort. Eg må vel innrømma overfor dei som kanskje måtte tru det, at desse to flotte tangodansarane dessverre ikkje er oss. Men ein viss form for balansekunst og rytmefølelse må det vel til for å ha det bra saman i tiår etter tiår. Eg skreiv song til min kjære då me gifta oss. Her er eit av versa. Verset kan framleis syngjast på melodien «Seasons in the sun.»

Det blir´kje bare lette steg,
me er litt rare både du og eg,
men når vatna frys igjen,
når livet vårt blir vinter, venn,
får me tru på sommaren.

Gje til livet ein song,
finna tonen gong på gong,
leva tvil leva tru,
leva saman eg og du.

image

Eg må vel rett og slett innrømma at dette rett og slett liknar meir på oss enn biletet øverst gjer. Me fekk reine brurebuketten på fredag, så då måtte me leika brurepar. I dag har me hatt endå meir feiring av både det eine og det andre med storfamilien rundt bordet og etterpå endå meir vennebesøk.

image

Ei ellevill syster dukka opp med ein pose full av gåver.

image

Og far hadde prøvd å driva fram liljekonvall i stova sidan brurebuketten min var ein sjølvplukka bukett med liljekonvall, som Sissel, forlovaren min, sette opp i ein haldar på veg til kyrkja fordi me fekk så frykteleg dårleg tid. Det var ein rørande tanke. Eg trur det er det første året liljekonvallen ikkje har sprunge ut til bryllaupsdagen vår. Men nå er det så seint på føresommaren at nå kan det meste eksplodera på ein dag eller to bare varmen kjem.

Sidan min komande ektemann aldri fekk skrive song til meg, så spurde eg han om han kunne gje meg songen under. Eg har alltid vore så glad i «Lyckan», både i teksten og melodien. Eg handskreiv teksten så fint eg kunne og kopierte på kontoret til far. Me hadde ikkje skrivemaskin, og slett ikkje PC.

 

Lyckan.
musik: Martin Koch

De sova ännu i jorden,
de blommor, som vi ska plocka,
en gång ska de vakna med glädje,
när solvindar leka och locka,
när kärlekens gyllene solljus
för dig, du kära upprunnit
då står i sin fagraste blomning
den lustgård vi själva oss vunnit.
Så tar jag dig till brud i vår
för långa, rika kärleksår,
ty lyckan kommer, lyckan går,
den som du älskar lyckan får.

De sova i våra hjärtan
de späda, som vi ska ge livet –
de sova och drömma om våren,
då kärlekens liv blir dem givet.
och därför bor undran och oro
i våra hjärtan och sköten,
och därför drömma vi båda
om jublande kärleksmöten.
Så tar jag dig till brud i vår
för långa, rika kärleksår,
ty lyckan kommer, lyckan går,
den som du älskar lyckan får.

De sova i våra drömmar,
de visor, som vi ska sjunga,
när våra små barn ska sova
i leende drömmar unga.
Du kära, en gång ska du minnas
den sången, som nu förklungit
när våra små barn blivit stora
och själva sin kärlek sjungit!
Så tar jag dig till brud i vår
för långa, rika kärleksår,
ty lyckan kommer, lyckan går,
den som du älskar lyckan får.

text: Martin Koch

Det er litt vemodig at då var me klare for det første verset i songen, medan me nå er midt i siste verset… Eg trur nokon, kanskje meg, må skriva ei vise om kjærleiken etter mange år. For så vidt, finst det vel ein del slike allereie når eg tenkjer meg om. Me for vår del går for tretti til sidan me nå ein gong er så godt i gang.

imageHeidi

 

2 kommentarar
  1. Nydelig innlegg om kjærlighet og ekteskap! Flott å kunne kalle noen kjæreste etter tretti års ekteskap! Gratulera så masse med dagen!

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: