Gå til innhald

Sundag i Segulda reisedag 3/ 13 – del to

juli 26, 2015

image

Etter at ne hadde kome ned att i byen, drakk me kaffi i ein veldig koseleg hage der dei hadde laga store blomar og store insekt av mose, blomar, tre og metall. Eg vart heilt fascinert av kreativiteten og fekk nesten lyst til å laga noko liknande i eigen hage… Det var og laga små innhegningar med store sauer og griser i ein forstørre variant av sånne plaster som ungar leikar med… Desse var det dessverre ikkje lov til å røra, og den timen me var der sprang foreldre skytteltrafikk for å prøva å hindra viljesterke og målbevisste småbarn som ville leika med dyra. Eg forstår dei godt, eg fekk lyst til å leika sjølv eg…

image

image

image

image

image

Utpå ettermiddagen tok me bilen for å køyra opp til ei gammal borg ca fem kilometer frå byen. Det var sykkel og gangsti dit opp og masse folk var på veg. Me var litt seint ute, men rakk å gå ein tur i det fantastiske hageanlegget rundt borga som og var kloster i mange år. Dei av oss som hadde lyst, fekk og klatra opp dei 170 bratte trappetrinna opp. I dag før me kom hadde det vore ein alvorleg idrettskonkurranse om å springa opp i tårnet på kortast mogleg tid, og det var sett ny rekord på 35 sekund… Kanskje det var den rekorden våre russiske venner frå sist innlegg skulle  prøva seg på…

imageEin del av hagen utanfor var ein skulpturpark der den latviske kunstnaren Indulis Rankas hadde laga skulpturar rundt temaet latvisk livsvisdom. Skulpturane var verkeleg fine.

Skulpturen under vart eg spesielt fascinert av. Han ser slik ut på den eine sida:

image

Og slik ut på den andre:

imageHagen var elles utruleg vakker med masse blomar, epletre og andre tre. Det var og ein stor urtehage med plantar som tradisjonelt har blitt dyrka for å ha til medisinsk bruk.

image

image

Då me køyrde tilbakeke var det folkessmanstimling på brua over elva. Me lurte på kva alle såg på og stoppa for å finna det ut. Det viste seg å vera strikkhoppingg frå gondolen som hang høgt oppe i lufta. Dei kom stupande ned med hovudet først. I beste fall går det an å sjå det på biletet..image

Uæææh, seier bare eg. Nokre av dei skreik forresten stygt i det dei hoppa ut.

Då me kom tilbake var klokka nesten ni. Me hadde tenkt å kjøpa middag, men dei stengde overalt klokka ni. Heldigvis forbarma dei seg over oss i hotellrestauranten, me fekk tilbod om suppe, pasta eller dumplings. Me åt nydeleg soppsuppe, dei er veldig glade i å plukka sopp her. Leif åt spaghetti med kylling, og eg åt vegetariske dumplings fylde med spinat med ein tyntflytande litt rømmeaktig saus. Dei er forresten veldig glade i dill her. Det er dryssa hakka dill over nesten alt maten. Middagen smakte forresten kjempegodt. Kor turen går i morgon? Me har ikkje heilt bestemt oss endå…

Heidi

From → Uncategorized

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google+ photo

Du kommenterer no med Google+-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: