Gå til innhald

Siste avsnitt i ferien

august 11, 2015

image

Siste etappen av ferieturen vart i Bærum. Eg liker så godt desse korpsmusikantane som står midt i oppussing og trafikk på Bekkestua og ivaretek den store musikken.

 

image

Det var då eg kom tilbake til Norge at eg innsåg at sommaren er inne i siste fasen. Rauna står med raude bær allereie. Eg trøyster meg med at august og er ein sommarmånad. Ein skal ikkje utelukka sommar i september heller. August er ein av dei absolutte favorittmånadane mine. Som Einar Skjæråsen seier det så utruleg vakkert: «Denne skjelvende streng mellom sommer og høst, denne duft av avskjed i mine hender,» og «Jeg har drømt at jeg seilte mot evigheten, og at en kveld i august var den siste, forunderlig duse, kjenning av land.» «Jeg vet midt i alt det jeg ikke vet, august er det mykeste myke jeg kjenner, myk som sorg og som kjærlighet.»

image

Fredrik og Tina hadde invitert på familielunsj for små og store harboer. Veret vart rett og slett veldig fint på lørdagen, så me sat ute i hagen i Tverrveien, der svigerforeldra mine budde då eg vart kjend med dei for meir enn tretti år sidan og åt god mat og gode kaker og drakk kaffi av desse koselege koppane.

imageEva Mari og eg fekk lagt inn to turar til Bærums verk. På sundagen var me med på historisk vandring gjennom verket og fekk høyra den lange historia om verket, som i ei årrekkje rett og slett vart styrd av sterke kvinner. Først den første Anna Krefting, som tidleg vart enke. Så den unge svigerdottera som og heitte Anna Krefting. Den siste vart enke i alder av tjueåtte år då den meir enn tjue år eldre mannen døydde. Begge var skikkelege forretningskvinner som haldt stø kurs i ein mannsdominert verden, og som til og med omgjekkes dei kongelege.
image

På Bærums verk er det alltid flotte utstillingar av norsk samtidskunst.

image

Og der var det og ein benk som fekk oss til å føla oss som små teskjekjerringer då me sat på han. Me måtte nesten klatra for i det heile tatt å få til å koma opp dit.

image

På måndagen møtte me dei tre av barna våre som var i Oslo for å eta felles lunsj før tre av oss skulle ta toget heim. Sunniva visste om ein fin thai- restaurant like ved Yungstorget.

image

Ein kopp kaffi vart det og tid til.

image

Så var det ein fin tur heim med toget. Det å sitja i time etter time med ei god bok og sjå landskapet skifta utanfor vindauget er rett og slett veldig avslappande og fint. Flyturen på torsdag var ikkje noko kjekk. Eg var redd heile tida. Når ei besetning frå same flyselskapet blir tekne i promillekontroll to dagar seinare, er det nesten så eg tenkjer at der kan de sjå, visst er det grunn til å vera redd… Men så småleg får ein ikkje vera. Men for mitt vedkomande: Heller eit døgn på toget enn ein time i fly. Dessverre har problemstillinga litt med tid og store hav å gjera og… Eit av fortsetta det komande  arbeidsåret er å leva meir miljøbevisst, og då burde det for meg vera sjølvsagt og eigentleg ei stor glede å kunna proklamera at det komande året skal eg ikkje setja mine bein i eit fly. Dessverre er  det heile litt meir komplisert enn som så…

image

Og så var me rett og slett heime att… Til vind og gråver og hav og høg himmel. Til klesvask og husvask og eit nært foreståande skuleår. Eg har brukt dagen til aklimatisering, til å vaska alle sommarkleda som har vore på tur med oss i snart tre veker, og til å rydda og ordna litt og reinska ut av kjøleskapet. Eg skjemmest over å måtta kasta masse mat som ikkje vart brukt opp i sommar. Eg liker ikkje å kasta mat, og har tenkt å skjerpa meg noko alvorleg… Me har vore på eit gardsutsal ikkje så langt i frå oss og kjøpt ferske norske  grønsakar som eg gleder meg til å bruka.

image

Så har me vore ein tur nede ved stranda og sett på svaner, skarv, blomar og laksefiskarar.

 

 

image

imageOg visst er det vakkert der nede, til og med når det regnar og er grått og kaldt.

image

Me valde å tolka dette skiltet dit hen at når grinda står opa, så må oksen vera ein annan plass…
Håpar eg i alle fall…

imageHeidi

 

 

 

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: