Skip to content

Eit reint noteblad

mars 7, 2016

image

Så har våren kome til bedet utanfor huset mitt og. Som ein person med ikkje heilt grøne fingrar, så er det nesten eit under kvar gong noko fint veks opp i beda mine. I dag kom den første krokusen og vårsola skin så fint. I dag har eg og lyst til å dela nokre tekstar eg har i skriveboka mi:

Ein gong vil livet gje me eit reint noteblad,
og lett og utvunge
skal eg skriva melodien
takt for takt med fjørpenn
eller med blyant.
Flittig skal eg skriva
før midnattstankane kjem
for å forstyrra
meg og mitt urolege hjarte
som glimtvis veit
det eg elles bare anar.

image

Så skal me nok fly i veg
ein tidleg morgon
eller i den første blå kveldstimen
til månen kanskje,
eller til Soria Moria slott
medan skjørta mine flagrar mot anklane
og pusten smeltar saman
med dei blåsande vindane.
Ein eller annan stad
skal sorga din gamle følgjesvenn
rista kappa si og gå vidare.
Noko får du nok bera med deg vidare
eit brev frå livet, kan hende,
eit brev der du seinare kan lesa
alle orda livet gav deg den gongen
og smila.

image

(Veggdekorasjon frå Tou scene)

Det hender at det gjer vondt å bera
sin eigen puls i hendene
medan menneske du ikkje kan stansa
går saman eller aleine
mot dei store portane,
mot dei opne himlane,
mot dei blygaste solnedgangane.

image

Om krig og fred
og kvardagar
er det mykje å seia,
men mykje meir å tenkja.

Alle historiane
alle dei blinde vala våre
dei modige og dei redde
lagar linjer
til portretta i ansikta våre.

Medan verda tikkar vidare
med høglydte pistolskot
og hamrande hjarteslag
ser me på kvarandre
og seier på det ordlause språket
at nå er det på tide
nå må me stoppa.
men framleis kremtar me
usikkert og slit med å finna att stemmen.

Heidi

From → Skriving, våren

Kommenter innlegget

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: