Når juni blir til juli

Det har vore så fint på Norefjell, eg har fått mange tankar og masse inspirasjon. I dag var tida for utsjekk, og det kjendest litt trist at den verda eg har halde til i nesten fire dagar skulle løysast opp i ingenting, og at eg skulle reisa frå folk eg hadde begynt å bli kjend med. Leif sette seg på sykkelen rett etter frokost. Eg og Torun tok oss tid til ein liten fjelltur før me sette oss i bilen.

Me var med på folketonegudsteneste i Olsberg kirke før me tok avskjed med Aeropagos for denne gongen. Eg kjem til å skriva meir om opplevingane der etterkvart.

.

Så kjørte me til Røyse med innlagd kaffipause, der Torbjørn venta oss med ovnsbakt laks og jordbær. I låglandet var det meir enn tretti grader. Etter middag på terrassen vart det bading i Tyrifjorden. Norsk sommar er det finaste eg veit.

Heidi